Sý tasqyny saldarynan elimizdiń 10 óńirinde jariialanǵan tótenshe jaǵdai búgingi kúni barsha qazaqstandyqtardyń birligin kórsetti. Memleket tarapynan beriletin kómekten bólek elimizdiń túkpir-túkpirinen erikti azamattarymyz qoldarynan kelgen kómegin aianbai jatyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Osy oraida, Arys qalasynda ornalasqan «Arys mineraldy sý» JShS-niń basshysy, qaiyrymdy isterimen syily azamat Rýslan Polathanuly sý tasqynynan zardap shekken aimaqtarǵa, dálirek aitsaq Soltústik Qazaqstan oblysyna 10 tonna mineraldy aýyz sý jiberdi.
«El basyna aýyr kún týǵanda múmkindiginshe kómek berý árbir azamattyń paryzy dep bilemiz. Bul kúnder artta qalyp, elimiz aman bolsyn!» deidi kásipkerler.
Qaiyrymdy iske bir kisishe jumylǵan arystyq basqa da kásipkerler ún qosyp, jol shyǵyndaryn óz moiyndaryna alǵan.
Aita keteiik, buǵan deiin arystyqtar tasqyn sýdan zardap shekken batys eline 10 tonnaǵa jýyq kómek kerýenin joldady. Onyń ishinde, erte buzylmaityn azyq-túlik, kiim-keshek, tósek-oryn jáne gigenalyq zattar bar.
Sondai-aq tótenshe jaǵdai jariialanǵan óńir turǵyndaryna kómek qolyn sozamyn degen volonterler men Arys turǵyndary úshin qalalyq volonterli shtaby saǵat 09:00-den 18:30-ge deiin jumys isteidi. Osy ýaqyt aralyǵynda gigienalyq zattar men azyq-túlik, dári-dármek siiaqty halyqqa qajet zattardy Arys qalasy, Ádilbek bi kóshesi, №1 úide (Arys-1 vokzalyna qarama-qarsy) ornalasqan qabyldaý pýnktine ótkizýge bolady.
