Bas prokýratýra Arǵyn Nyǵmatýlın qandaı kúdikke ilingenin málimdedi, - dep habarlaıdy Dalanews.kz.

Qadaǵalaý organy Arǵyn Nyǵmatýlınge jáne Qaraǵandy oblysynda hokeıdi damytýǵa bólingen búdjet qarajatyn jymqyrdy degen kúdikke ilingen basqa da adamdarǵa qatysty qylmystyq isti tergep jatyr.

«Sotaldy tergep-tekserý sheńberinde A.Z. Nyǵmatýlın kúdikti dep tanyldy, sot sanksıasymen oǵan qamaýda ustaý túrindegi bultartpaý sharasy tańdaldy jáne ol Qazaqstannan tys jerde bolýyna baılanysty izdeý jarıalandy», - dep jazylǵan habarlamada.

Aıta keteıik, buǵan deıin Sybaılas jemqorlyqqa qarsy qyzmet Nurlan Nyǵmatýlınniń aǵasy Arǵyn Nyǵmatýlındi izdep jatqany habarlandy.

Bul is bıyl 3 naýryzda Astanada tirkeldi. İzdeýge bastama jasaǵan - prokýratýra.

Ashyq derekkóz málimetinshe, Arǵyn Nyǵmatýlın - Májilistiń burynǵy tóraǵasy Nurlan Nyǵmatýlınniń jáne eks-depýtat Erlan Nyǵmatýlınniń aǵasy.

Ol 1955 jyly 28 maýsymda dúnıege kelgen. 2007 jyly sáýirden 2018 jylǵa deıin «Saryarqa» hokeı klýby» JSHS dırektory qyzmetin atqardy. Qaraǵandy oblystyq máslıhatynyń depýtaty boldy.