باس پروكۋراتۋرا ارعىن نىعماتۋلين قانداي كۇدىككە ىلىنگەنىن مالىمدەدى، - دەپ حابارلايدى Dalanews.kz.
قاداعالاۋ ورگانى ارعىن نىعماتۋلينگە جانە قاراعاندى وبلىسىندا حوككەيدى دامىتۋعا بولىنگەن بيۋدجەت قاراجاتىن جىمقىردى دەگەن كۇدىككە ىلىنگەن باسقا دا ادامدارعا قاتىستى قىلمىستىق ءىستى تەرگەپ جاتىر.
«سوتالدى تەرگەپ-تەكسەرۋ شەڭبەرىندە ا.ز. نىعماتۋلين كۇدىكتى دەپ تانىلدى، سوت سانكسياسىمەن وعان قاماۋدا ۇستاۋ تۇرىندەگى بۇلتارتپاۋ شاراسى تاڭدالدى جانە ول قازاقستاننان تىس جەردە بولۋىنا بايلانىستى ىزدەۋ جاريالاندى»، - دەپ جازىلعان حابارلامادا.
ايتا كەتەيىك، بۇعان دەيىن سىبايلاس جەمقورلىققا قارسى قىزمەت نۇرلان ءنىعماتۋليننىڭ اعاسى ارعىن ءنىعماتۋليندى ىزدەپ جاتقانى حابارلاندى.
بۇل ءىس بيىل 3 ناۋرىزدا استانادا تىركەلدى. ىزدەۋگە باستاما جاساعان - پروكۋراتۋرا.
اشىق دەرەككوز مالىمەتىنشە، ارعىن نىعماتۋلين - ءماجىلىستىڭ بۇرىنعى ءتوراعاسى نۇرلان ءنىعماتۋليننىڭ جانە ەكس-دەپۋتات ەرلان ءنىعماتۋليننىڭ اعاسى.
ول 1955 جىلى 28 ماۋسىمدا دۇنيەگە كەلگەن. 2007 جىلى ساۋىردەن 2018 جىلعا دەيىن «سارىارقا» حوككەي كلۋبى» ج ش س ديرەكتورى قىزمەتىن اتقاردى. قاراعاندى وبلىستىق ءماسليحاتىنىڭ دەپۋتاتى بولدى.
