Sairam aýdanynda qoǵamdaǵy ózekti máselelerdiń biri sanalatyn urpaq tárbiesine qatysty seminar-kezdesý uiymdastyryldy. «Urpaq tárbiesindegi betburys» taqyrybynda ótken is-shara oblystyq Ardagerler keńesiniń uiytqy bolýymen aýdan, qalalarda júieli qolǵa alynǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Alqaly basqosýǵa Túrkistan oblystyq Ardagerler keńesi tóraǵasynyń birinshi orynbasary Ábdishúkir Saparbekov, aýdan ákiminiń orynbasary Madiiar Álipov, aýdandyq Ardagerler keńesiniń tóraǵasy Iles Aitjan jáne aýdandyq ardagerler keńesiniń músheleri, aýdandaǵy mektepterdiń tárbie isi jónindegi orynbasarlar men ziialy qaýym ókilderi qatysty.
Túrkistan oblysynda patriottyq tárbieniń mańyzy zor. Bul aimaqtyń tarihi jáne mádeni erekshelikteri jastarǵa ultjandylyq pen týǵan jerge degen súiispenshilikti uialatýda erekshe ról atqarady. Túrkistan oblysy – qazaq halqynyń rýhani ortalyǵy jáne tarihi muraǵa bai ólke. Sol sebepti mundaǵy patriottyq tárbie baǵdarlamalary jastardyń ulttyq qundylyqtarǵa qurmetin arttyrýǵa baǵyttalǵan.
Seminar-kezdesý barysynda oblystyq Ardagerler keńesi tóraǵasynyń orynbasary Ábdishúkir Saparbekov urpaq tárbiesi jáne bul baǵytta Ardagerler keńesiniń atqaryp jatqan jumystary men aldaǵy jospary jaily jan-jaqty baiandama jasady.
– Túrkistan oblysynda Qoja Ahmet Iassaýi kesenesi, Otyrar qalashyǵy, Saýran qalasy siiaqty kóptegen tarihi jáne mádeni nysandar bar. Bul oryndarǵa saiahat jasaý arqyly jastar el tarihy men mádenietin óz kózimen kórip, tanysa alady. Mundai ekskýrsiialar tek bilim berip qana qoimai, sonymen qatar jastardyń ultqa degen maqtanyshyn oiatyp, patriottyq sezimderin nyǵaitady.
Budan basqa ár jyl saiyn oblys kóleminde Naýryz meiramy, Táýelsizdik kúni, Respýblikalyq Abai kúni siiaqty ulttyq merekeler atalyp ótiledi. Bul merekelerde jastarǵa arnalǵan kontsertter, sporttyq jarystar, tarihi kórmeler ótkiziledi. Mundai is-sharalar jastardyń ulttyq qundylyqtardy tanýyna jáne patriottyq sezimin arttyrýǵa múmkindik beredi, – dedi Ábdishúkir Saparbekov.
Sońǵy ýaqyttary Túrkistan oblysynda qolóner men ulttyq ónerdi damytýǵa úlken mán beriledi. Munda jastar qazaqtyń dástúrli óneri men qolónerin úirenip, ulttyq mádenietke degen qurmetin arttyrady. Qolóner úiirmeleri jastarǵa óz sheberlikterin kórsetip qana qoimai, ata-babalarynyń rýhani murasyn saqtaýǵa múmkindik beredi.
Óńirde patriottyq tárbie arqyly jastardyń otansúigishtik rýhyn nyǵaitýǵa, ulttyq qundylyqtarǵa degen súiispenshiligin arttyrýǵa baǵyttalǵan jumystar atqarylýda. Osy baǵdarlamalardyń nátijesinde jastardyń týǵan eline degen qurmeti artyp, elge qyzmet etýge degen umtylysy kúsheiedi. Sonymen qatar, patriottyq tárbie jastardyń ózara yntymaqtastyqqa beiimdiligin arttyryp, ulttyq sana-sezimin qalyptastyrýǵa úles qosady.
Túrkistan oblysyndaǵy patriottyq tárbie jumystary tek qana jastardyń rýhani damýyna emes, jalpy qoǵamnyń turaqtylyǵyna da oń yqpalyn tigizedi. Sondyqtan bul baǵyttaǵy is-sharalar aldaǵy ýaqytta da jalǵasyn taýyp, jastardyń boiyna ulttyq qundylyqtardy sińirý jumystary jalǵasa beredi.
Aradagerler qaýymy jinalǵan jas urpaqqa taǵylymdy tárbie beretin aqyl-keńester aitty. Óz kezeginde aýdan ziialylary da jetken jetistikter men ketken kemshilikterge toqtaldy. Jinalǵan kópshilik «osyndai mańyzdy másele tóńireginde qoǵam bolyp atsalysyp, aýyzbirshiliktiń úlgisin kórsetýimiz kerek» dep tarasty.
