سايرام اۋدانىندا قوعامداعى ٶزەكتٸ مەسەلەلەردٸڭ بٸرٸ سانالاتىن ۇرپاق تەربيەسٸنە قاتىستى سەمينار-كەزدەسۋ ۇيىمداستىرىلدى. «ۇرپاق تەربيەسٸندەگٸ بەتبۇرىس» تاقىرىبىندا ٶتكەن ٸس-شارا وبلىستىق ارداگەرلەر كەڭەسٸنٸڭ ۇيىتقى بولۋىمەن اۋدان, قالالاردا جٷيەلٸ قولعا الىنعان, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
القالى باسقوسۋعا تٷركٸستان وبلىستىق ارداگەرلەر كەڭەسٸ تٶراعاسىنىڭ بٸرٸنشٸ ورىنباسارى ەبدٸشٷكٸر ساپاربەكوۆ, اۋدان ەكٸمٸنٸڭ ورىنباسارى مادييار ەلٸپوۆ, اۋداندىق ارداگەرلەر كەڭەسٸنٸڭ تٶراعاسى ٸلەس ايتجان جەنە اۋداندىق ارداگەرلەر كەڭەسٸنٸڭ مٷشەلەرٸ, اۋدانداعى مەكتەپتەردٸڭ تەربيە ٸسٸ جٶنٸندەگٸ ورىنباسارلار مەن زييالى قاۋىم ٶكٸلدەرٸ قاتىستى.
تٷركٸستان وبلىسىندا پاتريوتتىق تەربيەنٸڭ ماڭىزى زور. بۇل ايماقتىڭ تاريحي جەنە مەدەني ەرەكشەلٸكتەرٸ جاستارعا ۇلتجاندىلىق پەن تۋعان جەرگە دەگەن سٷيٸسپەنشٸلٸكتٸ ۇيالاتۋدا ەرەكشە رٶل اتقارادى. تٷركٸستان وبلىسى – قازاق حالقىنىڭ رۋحاني ورتالىعى جەنە تاريحي مۇراعا باي ٶلكە. سول سەبەپتٸ مۇنداعى پاتريوتتىق تەربيە باعدارلامالارى جاستاردىڭ ۇلتتىق قۇندىلىقتارعا قۇرمەتٸن ارتتىرۋعا باعىتتالعان.
سەمينار-كەزدەسۋ بارىسىندا وبلىستىق ارداگەرلەر كەڭەسٸ تٶراعاسىنىڭ ورىنباسارى ەبدٸشٷكٸر ساپاربەكوۆ ۇرپاق تەربيەسٸ جەنە بۇل باعىتتا ارداگەرلەر كەڭەسٸنٸڭ اتقارىپ جاتقان جۇمىستارى مەن الداعى جوسپارى جايلى جان-جاقتى بايانداما جاسادى.
– تٷركٸستان وبلىسىندا قوجا احمەت ياسساۋي كەسەنەسٸ, وتىرار قالاشىعى, ساۋران قالاسى سيياقتى كٶپتەگەن تاريحي جەنە مەدەني نىساندار بار. بۇل ورىندارعا ساياحات جاساۋ ارقىلى جاستار ەل تاريحى مەن مەدەنيەتٸن ٶز كٶزٸمەن كٶرٸپ, تانىسا الادى. مۇنداي ەكسكۋرسييالار تەك بٸلٸم بەرٸپ قانا قويماي, سونىمەن قاتار جاستاردىڭ ۇلتقا دەگەن ماقتانىشىن وياتىپ, پاتريوتتىق سەزٸمدەرٸن نىعايتادى.
بۇدان باسقا ەر جىل سايىن وبلىس كٶلەمٸندە ناۋرىز مەيرامى, تەۋەلسٸزدٸك كٷنٸ, رەسپۋبليكالىق اباي كٷنٸ سيياقتى ۇلتتىق مەرەكەلەر اتالىپ ٶتٸلەدٸ. بۇل مەرەكەلەردە جاستارعا ارنالعان كونتسەرتتەر, سپورتتىق جارىستار, تاريحي كٶرمەلەر ٶتكٸزٸلەدٸ. مۇنداي ٸس-شارالار جاستاردىڭ ۇلتتىق قۇندىلىقتاردى تانۋىنا جەنە پاتريوتتىق سەزٸمٸن ارتتىرۋعا مٷمكٸندٸك بەرەدٸ, – دەدٸ ەبدٸشٷكٸر ساپاربەكوۆ.
سوڭعى ۋاقىتتارى تٷركٸستان وبلىسىندا قولٶنەر مەن ۇلتتىق ٶنەردٸ دامىتۋعا ٷلكەن مەن بەرٸلەدٸ. مۇندا جاستار قازاقتىڭ دەستٷرلٸ ٶنەرٸ مەن قولٶنەرٸن ٷيرەنٸپ, ۇلتتىق مەدەنيەتكە دەگەن قۇرمەتٸن ارتتىرادى. قولٶنەر ٷيٸرمەلەرٸ جاستارعا ٶز شەبەرلٸكتەرٸن كٶرسەتٸپ قانا قويماي, اتا-بابالارىنىڭ رۋحاني مۇراسىن ساقتاۋعا مٷمكٸندٸك بەرەدٸ.
ٶڭٸردە پاتريوتتىق تەربيە ارقىلى جاستاردىڭ وتانسٷيگٸشتٸك رۋحىن نىعايتۋعا, ۇلتتىق قۇندىلىقتارعا دەگەن سٷيٸسپەنشٸلٸگٸن ارتتىرۋعا باعىتتالعان جۇمىستار اتقارىلۋدا. وسى باعدارلامالاردىڭ نەتيجەسٸندە جاستاردىڭ تۋعان ەلٸنە دەگەن قۇرمەتٸ ارتىپ, ەلگە قىزمەت ەتۋگە دەگەن ۇمتىلىسى كٷشەيەدٸ. سونىمەن قاتار, پاتريوتتىق تەربيە جاستاردىڭ ٶزارا ىنتىماقتاستىققا بەيٸمدٸلٸگٸن ارتتىرىپ, ۇلتتىق سانا-سەزٸمٸن قالىپتاستىرۋعا ٷلەس قوسادى.
تٷركٸستان وبلىسىنداعى پاتريوتتىق تەربيە جۇمىستارى تەك قانا جاستاردىڭ رۋحاني دامۋىنا ەمەس, جالپى قوعامنىڭ تۇراقتىلىعىنا دا وڭ ىقپالىن تيگٸزەدٸ. سوندىقتان بۇل باعىتتاعى ٸس-شارالار الداعى ۋاقىتتا دا جالعاسىن تاۋىپ, جاستاردىڭ بويىنا ۇلتتىق قۇندىلىقتاردى سٸڭٸرۋ جۇمىستارى جالعاسا بەرەدٸ.
اراداگەرلەر قاۋىمى جينالعان جاس ۇرپاققا تاعىلىمدى تەربيە بەرەتٸن اقىل-كەڭەستەر ايتتى. ٶز كەزەگٸندە اۋدان زييالىلارى دا جەتكەن جەتٸستٸكتەر مەن كەتكەن كەمشٸلٸكتەرگە توقتالدى. جينالعان كٶپشٸلٸك «وسىنداي ماڭىزدى مەسەلە تٶڭٸرەگٸندە قوعام بولىپ اتسالىسىپ, اۋىزبٸرشٸلٸكتٸڭ ٷلگٸسٸن كٶرسەتۋٸمٸز كەرەك» دەپ تاراستى.
