Árbir siyrdan 250-300 keli et óndiredi
Sharýaqojalyqtyń tóraǵasy Asan Rahymjanovtyń aitýynsha, malsharýashylyǵymen ǵana emes, egin egýmen, baý-baqsha ósirýmen ainalysady eken.
Maldaryna qajeti shópterdi ózderi egedi. Biylǵy jyldyń ózinde taǵy «Sybaǵa» baǵdarlamasy boiynsha 37 mln. teńge qarjy nesie alyp, Resei elinen «Semital» degen tuqymdy 50 bas siyr ákelgen.
Jyl sońyna deiin taǵy shetelden «Geriford» tuqymdy 100 bas siyr alýdy josparlap otyr.
Búginde sharýanyń qorasynda 42 jylqy, 128 bas siyr bar. Onyń 32 bas iriqarasy bordaqyǵa qoiylǵan. Iri qaranyń barlyǵy et, sút baǵytynda alynǵan. Bir aida siyrdan 2 jarym tonna sút alynyp, qaladaǵy bala-baqshalar men aýrýhanalarǵa ótkizedi. Al, etterin bazarlarǵa satylýǵa shyǵarady. Árbir bordaqylanǵan siyrdan 250-300 kelige deiin et óndiriledi. Sonymen qatar, aldaǵy ýaqytta sońǵy zamanaýi úlgidegi qorany salyp, mal sharýashylyǵyn damytýdy maqsat etip otyr.
Túrkistan oblysy ákiminiń baspasóz qyzmeti
