Qyzylorda oblysynyń ákimi Nurlybek Nálibaevtyń tóraǵalyǵymen kadrlyq ózgeristerge qatysty májilis ótti. Jiynda sý resýrstaryn retteý, qorǵaý jáne paidalaný jónindegi «Aral-Syrdariia» basseindik inspektsiiasynyń jańa basshysy Zeinýlla Qaztoǵanov tanystyryldy, – dep habarlaidy Dalanews.kz Qyzylorda oblysy ákiminiń baspasóz qyzmetine silteme jasap.
Zeinýlla Moldaǵaliuly 1972 jyly Aral aýdanynda dúniege kelgen. Qyzylorda agroónerkásip óndiris injenerleri institýtynda injener-meliorator mamandyǵyn támamdaǵan. 1998-1999 jyldary Sý resýrstary komiteti «Aral-Syrdariia» basseindik sý sharýashylyǵy birlestiginiń injeneri, 2000-2023 jyldary Sý resýrstaryn paidalanýdy retteý jáne qorǵaý jónindegi «Aral-Syrdariia» basseindik inspektsiiasynda túrli qyzmette bolǵan. 2023 jyldan bastap osy kúnge deiin inspektsiia basshysynyń orynbasary qyzmetin atqardy.
Aldymen, aimaq basshysy osyǵan deiin Sý resýrstary jáne irrigatsiia ministrligi «Aral-Syrdariia» basseindik inspektsiiasynyń basshysy qyzmetin atqaryp kelgen Qairatbek Sársenbaevty qurmetti eńbek demalysyna shyǵýymen quttyqtady.
«Áriptesimiz Syrdariia aýdany ákiminiń birinshi orynbasary, oblystyq qarjy basqarmasynyń basshysy, Shieli, Jalaǵash aýdandarynyń ákimi, oblystyq jumyldyrý daiyndyǵy basqarmasynyń basshysy, aýyl sharýashylyǵy jáne jer qatynastary basqarmasy basshysynyń orynbasary qyzmetterin abyroimen atqardy. Kásibi biliktiligi men azamattyq ustanymy jas mamandarǵa úlgi boldy. Ár sheshiminde ádildik pen adaldyqty alǵa qoiyp, óńirimizdiń áleýmettik-ekonomikalyq damýyna zor úlesin qosty. Barsha Syr jurtshylyǵynyń atynan denińizge saýlyq, otbasyńyzǵa amandyq tileimiz», – dedi aimaq basshysy.
Jiynda Qairatbek Áýbákiruly Qyzylorda oblysynyń Qurmet gramotasymen marapattalyp, oblys ákimi Zeinýlla Qaztoǵanovtyń jańa qyzmetine sáttilik tilep, birqatar mindetterdi aiqyndady.
«Jańa basshyǵa Halyqaralyq Araldy qutqarý qory men memleketaralyq sý sharýashylyǵyn úilestirý komissiiasynyń sheshimderin júzege asyrýdy, egis alqaptaryn sýmen qamtamasyz etý boiynsha naqty sharalar qabyldaýdy, Soltústik Aral teńizin saqtap qalý baǵytyndaǵy jumystardy tapsyramyn»,– dedi N.Nálibaev.
