Qyzylorda oblysynyń ákimi Nurlybek Nálibaevtyń qatysýymen Aral qalasyndaǵy «Qamqorlyq» ońaltý ortalyǵynyń saltanatty ashylý rásimi ótti. Oǵan Parlament Senaty men Májilisiniń depýtattary Naýryzbai Baiqadamov, Rýslan Rústemov, Murat Ábenov, Murat Ergeshbaev, «Qazaqstan halqyna» qoǵamdyq qorynyń basqarma tóraǵasy Lázzat Shyńǵysbaeva men ziialy qaýym ókilderi qatysty,- dep habarlaidy Dalanews.kz
Aimaq basshysy áleýmettik salada atqarylǵan jumystarǵa toqtalyp, aýdan turǵyndaryna quttyqtaýyn jetkizdi.
«Biyl el táýelsizdiginiń berik tuǵyry, demokratiialyq qundylyqtarymyzdyń negizi sanalatyn Qazaqstan Respýblikasynyń Konstitýtsiiasyna 30 jyl toldy. Búgin mine, mereke qarsańynda Ózderińizben birge jerlesterimizdiń, balalarymyzdyń igiligine qyzmet etetin jańa nysandy ashamyz.
Qazirgi tańda el Prezidentiniń, Úkimettiń qoldaýymen turǵyndar densaýlyǵyn saqtaýǵa baǵyttalǵan mańyzdy jobalar sátti júzege asyrylýda. Sońǵy úsh jylda oblystyń densaýlyq saqtaý salasyna
441 mlrd. teńge qarjy bólinip, halyqtyń suranysyna sáikes túitkildi máseleler sheshimin taýyp keledi.Meditsinalyq qural-jabdyqtarmen jyl saiyn qamtamasyz etýdiń arqasynda jabdyqtalý deńgeii 2022 jyly 83,2 paiyz bolsa, búginde bul kórsetkish 87,4 paiyzǵa artty. Jergilikti biýdjetten 5 mlrd. 400 mln. teńgege 225 jańa sanitarlyq avtokólik bir mezette alynyp, eldi mekenderdegi densaýlyq saqtaý mekemelerine tabystaldy.
Aral aýdanyna 25 avtokólik bólinip, olar shalǵaidaǵy Jińishkequm, Qulandy, Jańaqurylys, Aqbasty, Qarashalań aýyldary turǵyndarynyń igiligine ainaldy. Halyq suranysyna sáikes 45 jedel járdem kóligi alynyp, oblystyq meditsinalyq jedel járdem stansasy 100 paiyz qamtamasyz etildi. Osylaisha, eldi mekenderdi sanitarlyq avtokólikpen qamtý máselesi tolyq sheshimin tapty. Halyqqa sapaly meditsinalyq qyzmet kórsetý úshin mamandar biliktiligin arttyrý máselesi udaiy nazarymyzda.
«Qazaqstan halqyna» qoǵamdyq qorymen turaqty áriptestik bailanystamyz. Qor sońǵy eki jylda óńirdiń densaýlyq saqtaý salasyna 5 mlrd. teńgege jýyq qarjy baǵyttady. Bul qarjyǵa sirek kezdesetin dertke shaldyqqan jerlesterimizge qajetti dári-dármek satyp alyndy. Oblystyq onkologiia ortalyǵyna quny 1 mlrd. 100 mln. teńge turatyn, respýblika boiynsha 3 oblysta ǵana bar skrining júrgizýge arnalǵan jyljymaly meditsinalyq keshen tabystady.
Ózderińizge belgili, búginge deiin Aralda tiptik ǵimarattaǵy aýdandyq emhana máselesi sheshimin tappai kelgen. Ár kelgen saiyn osyndaǵy aǵaiyn bul máseleni qaita-qaita kóteretin. Sizderdiń ótinishterińizben jańa emhana salý jóninde sheshim qabyldadyq. Oblystyq biýdjetten 22 mln teńge bólinip, aýysymyna 250 kelýshige arnalǵan emhana salý úshin joba-smetalyq qujattama ázirlenip, memlekettik saraptamadan ótti. Quny 6 mlrd 600 mln teńge, jalpy kólemi 8 600 sharshy metr bolady.
Emhana qurylysyn Arnaýly memlekettik qordan qarjylandyrý boiynsha jumys júrgizilýde. Búgin el igiligine tabystalatyn jańa ortalyq, ondaǵy dárigerler elge adal qyzmet etip, naýqastyń dertine daýa, kóńiline raýan berip, halyq alǵysyna bólenedi dep senemiz», - dedi N. Nálibaev.
Prezident bastamasymen qolǵa alynǵan «Aýylda densaýlyq saqtaýdy jańǵyrtý» ulttyq jobasy aiasynda óńirdiń barlyq aýdanynda 28 meditsinalyq nysan salyndy. Aral aýdanynda Toqabai, Bógen, Qyzyljar dárigerlik ambýlatoriialary jáne Kóktem aýylynda meditsinalyq pýnkt paidalanýǵa berildi.
Ulttyq joba aiasynda Aral, Qazaly, Shieli, Jańaqorǵan kópbeiindi aýdandyq aýrýhanalary janynan qosymsha qurylystar, Aral, Shieli aýdandyq aýrýhanalary janynan juqpaly aýrýlar bólimsheleri salynýda.
Jaqyn kúnderi Shieli aýdanyndaǵy juqpaly aýrýlar bólimshesi men aýdandyq aýrýhananyń qosymsha qurylysy paidalanýǵa beriledi. Qalǵan 4 nysan jyl sońyna deiin tabystalady.
Jyl basynda Jańaqorǵan aýdany Tómenaryq aýylynda dárigerlik ambýlatoriiasymen qosa 15 tósektik aýyldyq aýrýhana, Aral aýdany Sekseýil kentinde 40 tósek-orynǵa arnalǵan aýrýhana ashyldy.
«Aýyl – el besigi» baǵdarlamasy aiasynda Qyzylorda qalasynyń Baimurat batyr eldi mekeninde dárigerlik ambýlatoriia, Dosan eldi mekeninde meditsinalyq beket iske qosyldy.
Osylaisha aýyldardaǵy meditsinalyq- sanitariialyq alǵashqy kómek kórsetý uiymdarynyń ǵimarattaryn normativke sáikestendirý máselesi tolyǵymen sheshildi. Qyzmet kórsetý múmkindigi keńeigen jańa «Qan ortalyǵy» jumys atqarýda.
Qyzylorda qalasynda emhanasy men onkologiialyq bólimshesi bar 300 oryndyq kópbeiindi aýrýhana qurylysy júrgizilýde.
Ana men bala ómirin qorǵaý maqsatynda kópbeiindi oblystyq aýrýhana bazasynda jańa MRT apparaty iske qosylyp, 70 oryndyq perinataldyq bólim ashyldy. Ótken jyldan beri 17 meditsinalyq nysan kúrdeli jóndeýden ótkizilip, 44 ǵimarattyń jylý júiesi gazǵa aýystyryldy. Biyl 7 mlrd. 600 mln teńgege meditsinalyq qural-jabdyqtar satyp alynýda.
