قىزىلوردا وبلىسىنىڭ اكىمى نۇرلىبەك نالىبايەۆتىڭ قاتىسۋىمەن ارال قالاسىنداعى «قامقورلىق» وڭالتۋ ورتالىعىنىڭ سالتاناتتى اشىلۋ ءراسىمى ءوتتى. وعان پارلامەنت سەناتى مەن ءماجىلىسىنىڭ دەپۋتاتتارى ناۋرىزباي بايقاداموۆ، رۋسلان رۇستەموۆ، مۇرات ابەنوۆ، مۇرات ەرگەشبايەۆ، «قازاقستان حالقىنا» قوعامدىق قورىنىڭ باسقارما ءتوراعاسى ءلاززات شىڭعىسبايەۆا مەن زيالى قاۋىم وكىلدەرى قاتىستى،- دەپ حابارلايدى Dalanews.kz
ايماق باسشىسى الەۋمەتتىك سالادا اتقارىلعان جۇمىستارعا توقتالىپ، اۋدان تۇرعىندارىنا قۇتتىقتاۋىن جەتكىزدى.
«بيىل ەل تاۋەلسىزدىگىنىڭ بەرىك تۇعىرى، دەموكراتيالىق قۇندىلىقتارىمىزدىڭ نەگىزى سانالاتىن قازاقستان رەسپۋبليكاسىنىڭ كونستيتۋسياسىنا 30 جىل تولدى. بۇگىن مىنە، مەرەكە قارساڭىندا وزدەرىڭىزبەن بىرگە جەرلەستەرىمىزدىڭ، بالالارىمىزدىڭ يگىلىگىنە قىزمەت ەتەتىن جاڭا نىساندى اشامىز.
قازىرگى تاڭدا ەل پرەزيدەنتىنىڭ، ۇكىمەتتىڭ قولداۋىمەن تۇرعىندار دەنساۋلىعىن ساقتاۋعا باعىتتالعان ماڭىزدى جوبالار ءساتتى جۇزەگە اسىرىلۋدا. سوڭعى ءۇش جىلدا وبلىستىڭ دەنساۋلىق ساقتاۋ سالاسىنا
441 ملرد. تەڭگە قارجى ءبولىنىپ، حالىقتىڭ سۇرانىسىنا سايكەس تۇيتكىلدى ماسەلەلەر شەشىمىن تاۋىپ كەلەدى.مەديسينالىق قۇرال-جابدىقتارمەن جىل سايىن قامتاماسىز ەتۋدىڭ ارقاسىندا جابدىقتالۋ دەڭگەيى 2022 جىلى 83،2 پايىز بولسا، بۇگىندە بۇل كورسەتكىش 87،4 پايىزعا ارتتى. جەرگىلىكتى بيۋدجەتتەن 5 ملرد. 400 ملن. تەڭگەگە 225 جاڭا سانيتارلىق اۆتوكولىك ءبىر مەزەتتە الىنىپ، ەلدى مەكەندەردەگى دەنساۋلىق ساقتاۋ مەكەمەلەرىنە تابىستالدى.
ارال اۋدانىنا 25 اۆتوكولىك ءبولىنىپ، ولار شالعايداعى جىڭىشكەقۇم، قۇلاندى، جاڭاقۇرىلىس، اقباستى، قاراشالاڭ اۋىلدارى تۇرعىندارىنىڭ يگىلىگىنە اينالدى. حالىق سۇرانىسىنا سايكەس 45 جەدەل جاردەم كولىگى الىنىپ، وبلىستىق مەديسينالىق جەدەل جاردەم ستانساسى 100 پايىز قامتاماسىز ەتىلدى. وسىلايشا، ەلدى مەكەندەردى سانيتارلىق اۆتوكولىكپەن قامتۋ ماسەلەسى تولىق شەشىمىن تاپتى. حالىققا ساپالى مەديسينالىق قىزمەت كورسەتۋ ءۇشىن ماماندار بىلىكتىلىگىن ارتتىرۋ ماسەلەسى ۇدايى نازارىمىزدا.
«قازاقستان حالقىنا» قوعامدىق قورىمەن تۇراقتى ارىپتەستىك بايلانىستامىز. قور سوڭعى ەكى جىلدا ءوڭىردىڭ دەنساۋلىق ساقتاۋ سالاسىنا 5 ملرد. تەڭگەگە جۋىق قارجى باعىتتادى. بۇل قارجىعا سيرەك كەزدەسەتىن دەرتكە شالدىققان جەرلەستەرىمىزگە قاجەتتى دارى-دارمەك ساتىپ الىندى. وبلىستىق ونكولوگيا ورتالىعىنا قۇنى 1 ملرد. 100 ملن. تەڭگە تۇراتىن، رەسپۋبليكا بويىنشا 3 وبلىستا عانا بار سكرينينگ جۇرگىزۋگە ارنالعان جىلجىمالى مەديسينالىق كەشەن تابىستادى.
وزدەرىڭىزگە بەلگىلى، بۇگىنگە دەيىن ارالدا تيپتىك عيماراتتاعى اۋداندىق ەمحانا ماسەلەسى شەشىمىن تاپپاي كەلگەن. ءار كەلگەن سايىن وسىنداعى اعايىن بۇل ماسەلەنى قايتا-قايتا كوتەرەتىن. سىزدەردىڭ وتىنىشتەرىڭىزبەن جاڭا ەمحانا سالۋ جونىندە شەشىم قابىلدادىق. وبلىستىق بيۋدجەتتەن 22 ملن تەڭگە ءبولىنىپ، اۋىسىمىنا 250 كەلۋشىگە ارنالعان ەمحانا سالۋ ءۇشىن جوبا-سمەتالىق قۇجاتتاما ازىرلەنىپ، مەملەكەتتىك ساراپتامادان ءوتتى. قۇنى 6 ملرد 600 ملن تەڭگە، جالپى كولەمى 8 600 شارشى مەتر بولادى.
ەمحانا قۇرىلىسىن ارناۋلى مەملەكەتتىك قوردان قارجىلاندىرۋ بويىنشا جۇمىس جۇرگىزىلۋدە. بۇگىن ەل يگىلىگىنە تابىستالاتىن جاڭا ورتالىق، ونداعى دارىگەرلەر ەلگە ادال قىزمەت ەتىپ، ناۋقاستىڭ دەرتىنە داۋا، كوڭىلىنە راۋان بەرىپ، حالىق العىسىنا بولەنەدى دەپ سەنەمىز»، - دەدى ن. نالىبايەۆ.
پرەزيدەنت باستاماسىمەن قولعا الىنعان «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا ءوڭىردىڭ بارلىق اۋدانىندا 28 مەديسينالىق نىسان سالىندى. ارال اۋدانىندا توقاباي، بوگەن، قىزىلجار دارىگەرلىك امبۋلاتوريالارى جانە كوكتەم اۋىلىندا مەديسينالىق پۋنكت پايدالانۋعا بەرىلدى.
ۇلتتىق جوبا اياسىندا ارال، قازالى، شيەلى، جاڭاقورعان كوپبەيىندى اۋداندىق اۋرۋحانالارى جانىنان قوسىمشا قۇرىلىستار، ارال، شيەلى اۋداندىق اۋرۋحانالارى جانىنان جۇقپالى اۋرۋلار بولىمشەلەرى سالىنۋدا.
جاقىن كۇندەرى شيەلى اۋدانىنداعى جۇقپالى اۋرۋلار بولىمشەسى مەن اۋداندىق اۋرۋحانانىڭ قوسىمشا قۇرىلىسى پايدالانۋعا بەرىلەدى. قالعان 4 نىسان جىل سوڭىنا دەيىن تابىستالادى.
جىل باسىندا جاڭاقورعان اۋدانى تومەنارىق اۋىلىندا دارىگەرلىك امبۋلاتورياسىمەن قوسا 15 توسەكتىك اۋىلدىق اۋرۋحانا، ارال اۋدانى سەكسەۋىل كەنتىندە 40 توسەك-ورىنعا ارنالعان اۋرۋحانا اشىلدى.
«اۋىل – ەل بەسىگى» باعدارلاماسى اياسىندا قىزىلوردا قالاسىنىڭ بايمۇرات باتىر ەلدى مەكەنىندە دارىگەرلىك امبۋلاتوريا، دوسان ەلدى مەكەنىندە مەديسينالىق بەكەت ىسكە قوسىلدى.
وسىلايشا اۋىلدارداعى مەديسينالىق- سانيتاريالىق العاشقى كومەك كورسەتۋ ۇيىمدارىنىڭ عيماراتتارىن نورماتيۆكە سايكەستەندىرۋ ماسەلەسى تولىعىمەن شەشىلدى. قىزمەت كورسەتۋ مۇمكىندىگى كەڭەيگەن جاڭا «قان ورتالىعى» جۇمىس اتقارۋدا.
قىزىلوردا قالاسىندا ەمحاناسى مەن ونكولوگيالىق بولىمشەسى بار 300 ورىندىق كوپبەيىندى اۋرۋحانا قۇرىلىسى جۇرگىزىلۋدە.
انا مەن بالا ءومىرىن قورعاۋ ماقساتىندا كوپبەيىندى وبلىستىق اۋرۋحانا بازاسىندا جاڭا مرت اپپاراتى ىسكە قوسىلىپ، 70 ورىندىق پەريناتالدىق ءبولىم اشىلدى. وتكەن جىلدان بەرى 17 مەديسينالىق نىسان كۇردەلى جوندەۋدەن وتكىزىلىپ، 44 عيماراتتىڭ جىلۋ جۇيەسى گازعا اۋىستىرىلدى. بيىل 7 ملرد. 600 ملن تەڭگەگە مەديسينالىق قۇرال-جابدىقتار ساتىپ الىنۋدا.
