Tórt arab elderi – Saýd Arabiia, Birikken Arab Ámirligi (BAÁ), Bahrein jáne Egipet 22 maýsymda Katarǵa jariialaǵan boikotty toqtatý úshin birneshe talaptar qoidy dep málimdeidi «Ál-Jazira» telearnasy.
Olar 13 sharttan turatyn talaptaryn jariialaǵan. Solardyń biri Katardan «Aǵaiyndy musylmandar», «Hezbolla», «Ál-Kaida» jáne «Islam memleketi» sekildi ekstremistik uiymdarmen qarym-qatynasty úzýdi talap etedi.
Arab elderi Katardan «Ál-Jazira» telearnasynyń habaryn taratýdy toqtatýdy, Iran diplomatiialyq ókildigin jabýdy jáne elinen Iran áskerin shyǵarýdy buiyrady. Sonymen birge Iranmen saýda qarym-qatynasyn tek Amerika sanktsiiasyna sáikes júrgizýdi usynady. Talaptardyń ishinde Katardaǵy túrik áskeri bazasyn jabý týraly da kórsetilgen.
Atalǵan tórt arab memleketi talaptardy oryndaýǵa Katarǵa 10 kún ýaqyt bergen. Katar biligi ázirge túsinikteme bermedi.
Osyǵan deiin Parsy shyǵanaǵynyń úsh eli – Bahrein, Saýd Arabiia jáne BAÁ men Egipet, Maldiva araly, Iemen jáne Liviia Katarmen diplomatiialyq bailanysty úzgen. Olar Katardy terroristik uiymdardy qoldap, arab elderin turaqsyzdandyryp otyr dep aiyptaǵan.
Katar syrtqy ister ministrligi bul aiyptaýlardy joqqa shyǵarǵan.
