Aqtóbede meshitte zábir kórgen qyzdy er adam "shaitanǵa" teńedi, dep habarlaidy Dalanews.kz.
Emmanýela Naýryzbaeva esimdi aqtóbelik boijetken Instagram-daǵy paraqshasynda Almatyda taǵy bir er adamnyń agressiiasyna ushyraǵanyn video arqyly baiandady. Kadrda ol kóshede kele jatqanda, beitanys er adam tanyp, meshittegi jaǵdai týraly surai bastaidy da, artynsha qorlaityn sózder aitady.
"Sen ǵoi Emmanýela degen? Ras pa? Shynymen-aq jabysqan ba saǵan? Álde ádeii islamdy qaralap júrsiń be? Óziń shaitan siiaqtysyń ǵoi", – deidi kadr syrtyndaǵy er adam.
Taǵy bir videoda sol adam kóshede sońynan aiqailap:
"Azǵyn! Kádimgi azǵyn!" – dep balaǵat sózder aitqan.
Qyzdyń aitýynsha, ol telefonyn shyǵaryp, túsire bastaǵanda, er adam qashyp ketken. Videoda Emmanýela kóz jasyna erik berip, ózin múldem qorǵansyz sezinetinin aitty.
