Aqtóbedegi No55 mekteptiń bas esepshisi biýdjet qarajatyn jymqyrǵany úshin sottaldy, dep habarlaidy Dalanews.kz.
Ol biýdjet qarjysyn jymqyrýdy 2015 jyldan ótken jylǵa deiin jalǵastyrǵan, jalpy shyǵyn 413 million teńgeni quraidy. Urlyq jasaýda direktordyń elektrondyq tsifrlyq qoltańbasy qoldanylǵan. Nátijesinde qylmys ashylyp, býhgalter sot zalynan bir-aq shyqty.
Sot barysynda bul istiń jai-japsary belgili boldy. Sottalýshy memleket aqshasyn urlaý arqyly múlde baiymaǵan, igiligine jaratpaǵan, tek býkmekerlik keńselerde bás tigip otyrǵan, aqyry barynan aiyrylyp tynady.
"Al sotta belgili bolǵandai, ol uzaq jyldar boiy qumar oiynǵa táýeldilikten zardap shegedi. Eks-esepshi mektepke jumysqa qabyldanbai turyp-aq bás tigýmen ainalysqan, sonyń saldarynan anasy million teńgeden astam nesie alyp bergen", - deidi zańger.
Sottalýshynyń advokaty isti bolǵan azamattyń Antikormen birlese jumys istegenin eskerý qajet ekenin alǵa tartty. Osynyń arqasynda basqa tulǵalarǵa qatysty quqyq buzýshylyqtar anyqtalǵan.
Sot talqylaýlarynda advokat aiyptalýshynyń qumar oiyndarǵa táýeldi ekenine toqtalyp, dál osy psihiatriialyq dertke shaldyqqanyn aitty.
Al býhgalterdiń ózi urlyq boiynsha kinásin moiyndady, biraq taǵylǵan aiypty alaiaqtyq sanatyna aýystyrýdy surady. Aiyptalýshynyń áieli - bastaýysh synyp muǵalimi, al ákesi jeke júrgizýshi bolyp kún kóredi. Aiyptalýshynyń isi áli aiaqtalǵan joq.
