اقتٶبەدەگٸ No55 مەكتەپتٸڭ باس ەسەپشٸسٸ بيۋدجەت قاراجاتىن جىمقىرعانى ٷشٸن سوتتالدى, دەپ حابارلايدى Dalanews.kz.
ول بيۋدجەت قارجىسىن جىمقىرۋدى 2015 جىلدان ٶتكەن جىلعا دەيٸن جالعاستىرعان, جالپى شىعىن 413 ميلليون تەڭگەنٸ قۇرايدى. ۇرلىق جاساۋدا ديرەكتوردىڭ ەلەكتروندىق تسيفرلىق قولتاڭباسى قولدانىلعان. نەتيجەسٸندە قىلمىس اشىلىپ, بۋحگالتەر سوت زالىنان بٸر-اق شىقتى.
سوت بارىسىندا بۇل ٸستٸڭ جاي-جاپسارى بەلگٸلٸ بولدى. سوتتالۋشى مەملەكەت اقشاسىن ۇرلاۋ ارقىلى مٷلدە بايىماعان, يگٸلٸگٸنە جاراتپاعان, تەك بۋكمەكەرلٸك كەڭسەلەردە بەس تٸگٸپ وتىرعان, اقىرى بارىنان ايىرىلىپ تىنادى.
"ال سوتتا بەلگٸلٸ بولعانداي, ول ۇزاق جىلدار بويى قۇمار ويىنعا تەۋەلدٸلٸكتەن زارداپ شەگەدٸ. ەكس-ەسەپشٸ مەكتەپكە جۇمىسقا قابىلدانباي تۇرىپ-اق بەس تٸگۋمەن اينالىسقان, سونىڭ سالدارىنان اناسى ميلليون تەڭگەدەن استام نەسيە الىپ بەرگەن", - دەيدٸ زاڭگەر.
سوتتالۋشىنىڭ ادۆوكاتى ٸستٸ بولعان ازاماتتىڭ انتيكورمەن بٸرلەسە جۇمىس ٸستەگەنٸن ەسكەرۋ قاجەت ەكەنٸن العا تارتتى. وسىنىڭ ارقاسىندا باسقا تۇلعالارعا قاتىستى قۇقىق بۇزۋشىلىقتار انىقتالعان.
سوت تالقىلاۋلارىندا ادۆوكات ايىپتالۋشىنىڭ قۇمار ويىندارعا تەۋەلدٸ ەكەنٸنە توقتالىپ, دەل وسى پسيحياترييالىق دەرتكە شالدىققانىن ايتتى.
ال بۋحگالتەردٸڭ ٶزٸ ۇرلىق بويىنشا كٸنەسٸن مويىندادى, بٸراق تاعىلعان ايىپتى الاياقتىق ساناتىنا اۋىستىرۋدى سۇرادى. ايىپتالۋشىنىڭ ەيەلٸ - باستاۋىش سىنىپ مۇعالٸمٸ, ال ەكەسٸ جەكە جٷرگٸزۋشٸ بولىپ كٷن كٶرەدٸ. ايىپتالۋشىنىڭ ٸسٸ ەلٸ اياقتالعان جوق.
