Aqtóbedegi arnaiy operatsiia kezinde munai urlaǵan salafitter ustaldy (video)
Bul týraly QR UQK baspasóz qyzmetine silteme jasap Tengrinews.kz habarlaidy.
Sóitsek, arnaiy operatsiia kezinde munai urlady degen kúdikpen qylmystyq toptyń birneshe múshesi ustalypty.
«7 jeltoqsanda Ulttyq qaýipsizdik komiteti Sybailas jemqorlyqqa qarsy is-qimyl ulttyq biýrosynyń jáne Aqtóbe oblystyq IID-men birlese otyryp, munai urlaý jáne munai men munai ónimderiniń zańsyz saýdasymen ainalysqan uiymdasqan qylmystyq toptyń qyzmetiniń jolyn kesý boiynsha iri arnaiy operatsiiany bastady. Jedel-izdestirý sharalarynyń barysynda munai urlaýǵa qatysy bar degen kúdiktiler ustaldy, munai men munai ónimderi bar avtotsisternalar tárkilendi», — dep habarlady UQK ókilderi.
Munymen qatar, radikal salafizmniń birneshe ustanýshysy ustalypty, olar munai urlaýǵa qatysy bar tulǵalarǵa basshylyq etken.
Qazirgi ýaqytta olardyń turǵylyqty jeri boiynsha tintý sharalary júrip jatyr, sonymen qatar, aldyn ala málimet boiynsha, urlanǵan munaidy zańdastyrýmen ainalysqan kásiporyndarda da tintýler júrip jatyr.
«Tergeýdiń qorytyndysy qosymsha habarlanady», — delingen UQK habarlamasynda.
https://www.instagram.com/p/BNtU_t_gDiA/?taken-by=zello.aktobe
