اقتوبەدەگى ارنايى وپەراسيا كەزىندە مۇناي ۇرلاعان سالافيتتەر ۇستالدى (ۆيدەو)

Dalanews 07 جەلت. 2016 11:13 430

اقتوبەدەگى ارنايى وپەراسيانىڭ قورىتىندىسى ايتىلدى.

بۇل تۋرالى ق ر ۇقك باسپا ءسوز قىزمەتىنە سىلتەمە جاساپ Tengrinews.kz حابارلايدى.

سويتسەك، ارنايى وپەراسيا كەزىندە مۇناي ۇرلادى دەگەن كۇدىكپەن قىلمىستىق توپتىڭ بىرنەشە مۇشەسى ۇستالىپتى.

«7 جەلتوقساندا ۇلتتىق قاۋىپسىزدىك كوميتەتى سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ جانە اقتوبە وبلىستىق ىىد-مەن بىرلەسە وتىرىپ، مۇناي ۇرلاۋ جانە مۇناي مەن مۇناي ونىمدەرىنىڭ زاڭسىز ساۋداسىمەن اينالىسقان ۇيىمداسقان قىلمىستىق توپتىڭ قىزمەتىنىڭ جولىن كەسۋ بويىنشا ءىرى ارنايى وپەراسيانى باستادى. جەدەل-ىزدەستىرۋ شارالارىنىڭ بارىسىندا مۇناي ۇرلاۋعا قاتىسى بار دەگەن كۇدىكتىلەر ۇستالدى، مۇناي مەن مۇناي ونىمدەرى بار اۆتوسيستەرنالار تاركىلەندى»، — دەپ حابارلادى ۇقك وكىلدەرى.

مۇنىمەن قاتار، راديكال ءسالافيزمنىڭ بىرنەشە ۇستانۋشىسى ۇستالىپتى، ولار مۇناي ۇرلاۋعا قاتىسى بار تۇلعالارعا باسشىلىق ەتكەن.

قازىرگى ۋاقىتتا ولاردىڭ تۇرعىلىقتى جەرى بويىنشا ءتىنتۋ شارالارى ءجۇرىپ جاتىر، سونىمەن قاتار، الدىن الا مالىمەت بويىنشا، ۇرلانعان مۇنايدى زاڭداستىرۋمەن اينالىسقان كاسىپورىنداردا دا تىنتۋلەر ءجۇرىپ جاتىر.

«تەرگەۋدىڭ قورىتىندىسى قوسىمشا حابارلانادى»، — دەلىنگەن ۇقك حابارلاماسىندا.

https://www.instagram.com/p/BNtU_t_gDiA/؟taken-by=zello.aktobe

ۇسىنىلعان
سوڭعى جاڭالىقتار