Aqtóbe oblysy Oiyl aýylyndaǵy ýaqytsha ótkeldi sý shaidy. Tańerteńnen bastap ótkelmen júrýge tyiym salynǵan, dep habarlaidy Dalanews.kz.
Ashyq derekkózderge málimetterge súiensek, 2024 jylǵy sý tasqyny kezinde aýdan ortalyǵyn Aqtóbemen bailanystyratyn kópir qiraǵan. Onyń ornyna jańa kópir salynyp jatqandyqtan, turǵyndar ázirshe pontondy paidalanyp júrgen. Alaida onyń ózi 14 naýryzda sý astynda qalyp ketken. Bul mańǵa 15 naýryzdan bastap politsiia qyzmetkerleri kezekshilikke qoiyldy.
Ázirge, ózenniń arǵy betine tek jaiaý ótýge bolady. Aýdan ákimdiginiń málimetinshe, bir táýlik ishinde ótkel arqyly avtomobil qozǵalysyn qalpyna keltirý josparlanyp otyr.
