Aqtóbede biýdjet qarajatyn negizsiz jumsaýdyń aldyn alyndy, dep habarlaidy Dalanews.kz.
Oblys prokýratýrasy 3,2 mlrd teńgeden astam biýdjet qarajatynyń negizsiz jumsalýynyń aldyn aldy.
Atalǵan qarajat avtojoldardy salý jáne jóndeý, aýmaqtardy abattandyrý jáne ózge de áleýmettik mańyzy bar qajettilikterge jumsalýy josparlanǵan.
Máselen, prokýratýra tarapynan Aqtóbe qalasyndaǵy A. Moldaǵulova dańǵyly boiyndaǵy avtomobil jolyn ortasha jóndeý shartynyń qunyn negizsiz arttyrýdyń aldyn alý sharalary qabyldandy.
2022 jyly Aqtóbe qalalyq turǵyn úi-kommýnaldyq sharýashylyq bólimi men «Nurly Jol-7» JShS arasynda atalǵan joldy ortasha jóndeý jumystaryna 1 mlrd teńge somasyna shart jasalǵan.
Alaida, jetkilikti negizsiz joba-smetalyq qun qaita eseptelip, shart somasy 1,3 mlrd teńgege deiin ulǵaitylǵan.
Prokýrorlyq qadaǵalaý sharalary nátijesinde shart somasy 300 mln teńgege tómendetilip, biýdjet qarajatynyń negizsiz jumsalýynyń aldyn alýǵa múmkindik berildi.
