Aqtóbedegi «Nur Ǵasyr» ortalyq meshitinde bolǵan janjalǵa bailanysty sotta is qaralyp jatyr. Aiyptalýshy – meshittiń 38 jastaǵy qyzmetkeri Baýyrjan Oralov. Tergeý málimetinshe, ol eki jasóspirimge kúsh qoldanǵan, dep habarlaidy dalanews.kz.
Is materialdaryna sáikes, 15 jastaǵy jasóspirimder meshitke taraýyq namazyna kelgen. Namaz aiaqtalǵannan keiin olardyń biri aiaq kiimderdiń arasynan turǵan krossovkany baiqap, dosyna kórsetip, keiin qaita ornyna qoiǵan. Muny kórgen meshit qyzmetkeri balalardy urlyq jasamaq boldy dep kúdiktengen.
Osydan keiin qyzmetker jasóspirimdi jerge qulatyp, onyń basynan birneshe ret tepken. Oqiǵa meshittiń beinebaqylaý kamerasyna túsip qalǵan.
Saldarynan jasóspirim esinen tanyp qalǵan. Dárigerler oǵan ortasha dárejedegi mi shaiqalýy men bas miynyń jaraqaty diagnozyn qoiǵan. Bala 20 kúnnen astam ýaqyt aýrýhanada em alyp, keiin birneshe ai boiy ońaltýdan ótken.
Oqiǵadan keiin eki tarap ta bir-birine qatysty politsiiaǵa aryz jazǵan. Tergeý aiaqtalyp, qylmystyq is sotqa joldanǵan.
