اقتٶبەدەگٸ «نۇر عاسىر» ورتالىق مەشٸتٸندە بولعان جانجالعا بايلانىستى سوتتا ٸس قارالىپ جاتىر. ايىپتالۋشى – مەشٸتتٸڭ 38 جاستاعى قىزمەتكەرٸ باۋىرجان ورالوۆ. تەرگەۋ مەلٸمەتٸنشە, ول ەكٸ جاسٶسپٸرٸمگە كٷش قولدانعان, دەپ حابارلايدى dalanews.kz.
ٸس ماتەريالدارىنا سەيكەس, 15 جاستاعى جاسٶسپٸرٸمدەر مەشٸتكە تاراۋىق نامازىنا كەلگەن. ناماز اياقتالعاننان كەيٸن ولاردىڭ بٸرٸ اياق كيٸمدەردٸڭ اراسىنان تۇرعان كروسسوۆكانى بايقاپ, دوسىنا كٶرسەتٸپ, كەيٸن قايتا ورنىنا قويعان. مۇنى كٶرگەن مەشٸت قىزمەتكەرٸ بالالاردى ۇرلىق جاساماق بولدى دەپ كٷدٸكتەنگەن.
وسىدان كەيٸن قىزمەتكەر جاسٶسپٸرٸمدٸ جەرگە قۇلاتىپ, ونىڭ باسىنان بٸرنەشە رەت تەپكەن. وقيعا مەشٸتتٸڭ بەينەباقىلاۋ كامەراسىنا تٷسٸپ قالعان.
سالدارىنان جاسٶسپٸرٸم ەسٸنەن تانىپ قالعان. دەرٸگەرلەر وعان ورتاشا دەرەجەدەگٸ مي شايقالۋى مەن باس ميىنىڭ جاراقاتى دياگنوزىن قويعان. بالا 20 كٷننەن استام ۋاقىت اۋرۋحانادا ەم الىپ, كەيٸن بٸرنەشە اي بويى وڭالتۋدان ٶتكەن.
وقيعادان كەيٸن ەكٸ تاراپ تا بٸر-بٸرٸنە قاتىستى پوليتسيياعا ارىز جازعان. تەرگەۋ اياقتالىپ, قىلمىستىق ٸس سوتقا جولدانعان.
