Aqtóbedegi ákimshilik ister jónindegi mamandandyrylǵan sot «SNPS-Aqtóbemunaigaz» AQ-ny suiytylǵan gaz naryǵynda zań buzdy dep tanyp, 36,7 mln teńge aiyppul saldy, dep habarlaidy Dalanews.kz.
Tergeý barysynda kompaniianyń seriktesterge ekonomikalyq jaǵynan tiimsiz sharttar qoiǵany anyqtaldy.
Mysaly, tólemdi úsh kún ishinde jasaý talabyn engizgen. Al qoldanystaǵy norma bes jumys kúnine deiin ruqsat beredi.
Sonymen qatar avtotsisternalardy tek 85% kólemge deiin toltyrý mindettelip, bul logistikalyq qiyndyqtar týǵyzǵan.
Kompaniia óndiris kólemin de negizsiz shektegeni belgili boldy.
Sot antimonopoliialyq organnyń tujyrymdaryn tolyqtai qoldap, kompaniiany aiyppulmen qatar zańbuzýshylyqtardy túzetýge mindettedi. Endi kásiporyn táýligine orta eseppen 114 tonna suiytylǵan gaz óndirýge tiis.
