اقتوبەدەگى اكىمشىلىك ىستەر جونىندەگى مامانداندىرىلعان سوت «سنپس-اقتوبەمۇنايگاز» اق-نى سۇيىتىلعان گاز نارىعىندا زاڭ بۇزدى دەپ تانىپ، 36،7 ملن تەڭگە ايىپپۇل سالدى، دەپ حابارلايدى Dalanews.kz.
تەرگەۋ بارىسىندا كومپانيانىڭ سەرىكتەستەرگە ەكونوميكالىق جاعىنان ءتيىمسىز شارتتار قويعانى انىقتالدى.
مىسالى، تولەمدى ءۇش كۇن ىشىندە جاساۋ تالابىن ەنگىزگەن. ال قولدانىستاعى نورما بەس جۇمىس كۇنىنە دەيىن رۇقسات بەرەدى.
سونىمەن قاتار اۆتوسيستەرنالاردى تەك 85% كولەمگە دەيىن تولتىرۋ مىندەتتەلىپ، بۇل لوگيستيكالىق قيىندىقتار تۋعىزعان.
كومپانيا ءوندىرىس كولەمىن دە نەگىزسىز شەكتەگەنى بەلگىلى بولدى.
سوت انتيمونوپوليالىق ورگاننىڭ تۇجىرىمدارىن تولىقتاي قولداپ، كومپانيانى ايىپپۇلمەن قاتار زاڭبۇزۋشىلىقتاردى تۇزەتۋگە مىندەتتەدى. ەندى كاسىپورىن تاۋلىگىنە ورتا ەسەپپەن 114 توننا سۇيىتىلعان گاز وندىرۋگە ءتيىس.
