Aqtóbe qalasynyń №2 soty 2025 jylǵy 31 naýryzda qala ákimdigi apparatynyń burynǵy basshysy N. Isembaiulyn memlekettik jer ýchaskelerin berýge ýáde etýge bailanysty alaiaqtyq jasady degen aiyp boiynsha dálelderdiń jetkiliksizdigine bailanysty aqtaǵan bolatyn, dep habarlaidy Dalanews.kz.
Atalǵan is ótken jyly buqaralyq aqparat quraldary men áleýmettik jelilerde keńinen talqylanǵan. Keibir jariialanymdarda tergeý men memlekettik aiyptaý jumysyna qatysty birjaqty ári negizsiz tujyrymdar da aitylǵan.
Soǵan qaramastan, jazanyń bultartpastyǵy qaǵidatyn basshylyqqa alǵan prokýratýra organdary aqtaý úkimin kassatsiialyq tártippen qaita qaratýǵa qol jetkizdi.
Nátijesinde is Aqtóbe oblystyq soty qaraýyna qaita joldandy. Vedomstvo málimetinshe, memlekettik aiyptaýshy sotta taǵylǵan aiypty tolyq qoldaityn bolady.
