«Taza Qazaqstan» respýblikalyq ekologiialyq aktsiiasy aiasynda Aqtóbe oblysynda keń aýqymdy tazalaý, kórkeitý jáne kógaldandyrý jumystary jalǵasýda. Biyl óńirdiń klimattyq jaǵdaiyna beiim aǵash túrlerin otyrǵyzýǵa erekshe nazar aýdarylyp otyr, dep habarlaidy Dalanews.kz.
Osyndai aǵashtardyń biri – torańǵy. Bul – shóleit aimaqtarda tamyr jaiyp, sirek kezdesetin ári tózimdi terek túri. Aqtóbede torańǵynyń alǵashqy kóshetteri oblys ákimi Ashat Shaharovtyń qatysýymen áýejai mańynda otyrǵyzyldy.
«Torańǵy otyrǵyzý – óńirimizdi kógaldandyrý men shóleittenýge qarsy kúrestegi mańyzdy qadam. Tabiǵatty saqtaý men ekologiiany jaqsartýǵa baǵyttalǵan bastamalardy ári qarai qoldai beremiz. Aqtóbe oblysy ómir súrýge qolaily, jasyl óńirge ainalýy úshin bar kúshimizdi salamyz», – dedi oblys ákimi.
Tabiǵi resýrstar jáne tabiǵatty paidalanýdy retteý basqarmasynyń basshysy Isatai Espaǵanbetovtyń aitýynsha, torańǵy qunarsyz, qumdy topyraqta da jaqsy beiimdeledi. Bul aǵash ekojúiede mańyzdy ról atqarady: topyraqty nyǵaityp, eroziiaǵa ushyraýdan qorǵaidy jáne jerdiń shólge ainalý qaýpin azaitady.
«Bul – erekshe ósimdik. Ol sýdy 15 metr tereńdikten tartyp ala alady jáne eń qatal klimat jaǵdaiy – qurǵaqshylyqta, qatty jel men temperatýra kúrt ózgergende de ómir súre beredi. Almaty ǵalymdarymen birlesip, onyń jaqsy ósip-ónýi úshin ońtaily jaǵdailardy zerttedik. Biyl oblys boiynsha 500 torańǵy kóshetin otyrǵyzý josparlanýda. Jalpy kúzgi kógaldandyrý naýqany aiasynda segiz myń túrli kóshet egiledi», – dedi Isatai Espaǵanbetov.
Aita ketý kerek, torańǵy Qazaqstannyń Qyzyl kitabyna engen.
Óńir úshin sirek kezdesetin bul aǵashtyń kóshetterin «QazaqOilAqtóbe» JShS satyp alyp, olardyń jaqsy ósip ketýi úshin barlyq qajetti jaǵdaidy jasapty. Sýarý júiesin ornatty, sý qoimasyn jasaqtady, qorshaýlar qoidy.
«QazaqOilAqtóbe» óndiris jónindegi bas direktordyń orynbasary Abdýahit Ábishevtiń aitýynsha, 500 torańǵy kóshetiniń 50-i - Baiǵanin aýdanynda, taǵy 50-i - «Álibekmola» ken orny mańynda, 100-i - Qandyaǵashta, al 300-i Aqtóbe qalasynda otyrǵyzylady, sonyń ishinde 100 aǵash áýejai aýdanynda.
Búgin aǵash otyrǵyzý sharasyna munai kompaniiasynyń qyzmetkerleri men «Jasyl el» eńbek jasaǵy qatysty.
«Munai salasynyń ókili retinde men óńir kásipkerleri men áriptesterimdi osy mańyzdy ekologiialyq aktsiiany qoldaýǵa shaqyramyn. Tek birige áreket etkende ǵana qalamyzdy jasyl, taza ári jaily ete alamyz. Aqtóbelikter osy igi dástúrdi jalǵastyryp, týǵan jerdiń tabiǵatyn saqtaýǵa úles qossa eken deimin», – dedi Abdýahit Ábishev.
«Taza Qazaqstan» aktsiiasy óńirde jalǵasýda jáne árbir adamnyń óz úlesin qosyp, óńirimizdi jasyl, taza jáne gúldengen mekenge ainaldyrýǵa múmkindigi bar.
