Aqtóbede alaiaq "úi jóndeimin" dep jurttan 100 mln teńge jinap alǵan, dep habarlaidy Dalanews.kz.
Politsiia alaiaqtyq deregi boiynsha qylmystyq isti tergep jatyr. Tergeý barysynda kórshi oblystyń turǵyny páterge jóndeý jumystaryn júrgizemin dep bir jyl ishinde 10-nan asa aqtóbelikti aldap, olardyń aqshasyn iemdengeni anyqtalǵan.
Kúdikti jábirlenýshilerden aldyn ala tólemdi qolma-qol alyp, keiin olarǵa habarlasýdy toqtatqan. Keltirilgen jalpy materialdyq shyǵyn 100 mln teńgeden asady.
Kúdikti ustalyp, ýaqytsha ustaý izoliatoryna qamaldy.
