Aqtóbe qalasynda qyzyl sý saldarynan tótenshe jaǵdai jariialandy
«Qazirgi kezde 290 saiajai men aýla sýǵa ketti. Baý-baqsha ujymyndaǵy 5 úi qulap qalǵan. Barlyǵy 700-den astam adam evakýatsiialanyp, qutqaryldy. Olardyń arasynda balalar men múgedek adamdar da bar. Evakýatsiialanǵan adamdardy ýaqytsha qonystandyrý úshin 12 beket jumys ister tur. Orta mektepterde 200-ge jýyq adam qonystandy. Qalǵandary týma-týystarynyń úiine ketti», – dep habarlady oblystyq tótenshe jaǵdailar qyzmetiniń baspasóz qyzmeti.
Qala ákimi tótenshe jaǵdai qyzmetkerlerine jaǵdai ýshyǵyp ketpes úshin qutqarý jumystaryn kúsheitýdi tapsyrdy.
– Qoǵamdyq tártipti qatań túrde nazarda ustańyzdar. Dúnie-múlikterge kúzet qoiyńyzdar - tonaýǵa jol bermeńizder. Kelitirilgen shyǵyndy esepteitin arnaiy komissiia quryńyzdar, – dedi qala ákimi Ilias Ispanov.
