«قازىرگى كەزدە 290 ساياجاي مەن اۋلا سۋعا كەتتى. باۋ-باقشا ۇجىمىنداعى 5 ءۇي قۇلاپ قالعان. بارلىعى 700-دەن استام ادام ەۆاكۋاسيالانىپ، قۇتقارىلدى. ولاردىڭ اراسىندا بالالار مەن مۇگەدەك ادامدار دا بار. ەۆاكۋاسيالانعان ادامداردى ۋاقىتشا قونىستاندىرۋ ءۇشىن 12 بەكەت جۇمىس ىستەر تۇر. ورتا مەكتەپتەردە 200-گە جۋىق ادام قونىستاندى. قالعاندارى تۋما-تۋىستارىنىڭ ۇيىنە كەتتى»، – دەپ حابارلادى وبلىستىق توتەنشە جاعدايلار قىزمەتىنىڭ باسپا ءسوز قىزمەتى.
قالا اكىمى توتەنشە جاعداي قىزمەتكەرلەرىنە جاعداي ۋشىعىپ كەتپەس ءۇشىن قۇتقارۋ جۇمىستارىن كۇشەيتۋدى تاپسىردى.
– قوعامدىق ءتارتىپتى قاتاڭ تۇردە نازاردا ۇستاڭىزدار. دۇنيە-مۇلىكتەرگە كۇزەت قويىڭىزدار - توناۋعا جول بەرمەڭىزدەر. كەلىتىرىلگەن شىعىندى ەسەپتەيتىن ارنايى كوميسسيا قۇرىڭىزدار، – دەدى قالا اكىمى ءىلياس يسپانوۆ.
