QMA Aqtóbe oblysy boiynsha departamenti lombard qyzmeti salasyndaǵy zańsyz kásipkerlik faktisi boiynsha tergeýdi aiaqtady, dep habarlaidy Dalanews.kz.
Tergeý amaldaryna sai, kúdikti 2020–2025 jyldar aralyǵynda halyqqa turmystyq tehnika (uialy telefondar, teledidarlar, oiyn pristavkalary, fotoapparattar jáne t.b.) kepilimen qaryz berýdi uiymdastyrǵan. Alaida onyń lombard qyzmetin júzege asyrýǵa mindetti litsenziiasy bolmaǵan.
Ýákiletti organdar tarapynan baqylaýdan jaltarý úshin zańsyz qyzmet komissiondyq dúkenderi retinde jasyrynǵan.
Qarjyǵa muqtaj azamattardyń jaǵdaiyn paidalana otyryp, ol táýligine 3,7%-ǵa deiin jetetin joǵary paiyzdyq mólsherlemeler belgilegen. Bul zańmen belgilengen 0,3% shekten 12 ese joǵary.
Máselen, bir klient 257 000 teńge kóleminde 10 kúnge qaryz rásimdep, komissiia sharty boiynsha 51 400 teńge (táýligine 2%) syiaqy tóleýge májbúr bolǵan. Al zań boiynsha bul soma 7 710 teńgeden aspaýy tiis edi (0,3%).
Qylmystyq jolmen alynǵan tabys kólemi 93 mln teńgeden asqan. Sot sanktsiiasymen kúdiktiniń 3 avtokóligi men páterine tyiym salyndy.
Oǵan qatysty elden shyqpaý jáne tiisti minez-qulyq týraly qolhat túrindegi bultartpaý sharasy qoldanyldy.
Qylmystyq is sotqa joldandy.
Qazaqstan Respýblikasy Qylmystyq-protsestik kodeksiniń 201-babyna sáikes ózge aqparat jariia etýge jatpaidy.
