Biyl Aqtóbe oblysynda turǵyndardy gazben qamtý baǵytynda 18 joba iske asyrylady. Onyń ishinde aýyspaly jobalar da, jańa jobalar da bar. Bul iske biýdjetten 9,8 milliard teńge bólingen. Al nátijesinde jalpy sany 12,1 myń adam turatyn 27 aýylǵa gaz tartylmaq,- dep habarlaidy Dalanews.kz
Oblystyq energetika jáne turǵyn úi-kommýnaldyq sharýashylyǵy basqarmasynyń málimetinshe, qazir oblystaǵy 319 eldi mekenniń 172-i nemese 53,9 paiyzy gazdandyrylǵan. Degenmen osy eldi mekenderde oblys turǵyndarynyń 95,6 paiyzy turatynyn eskersek, bul jaqsy kórsetkish ekeni sózsiz. Oblysta 887,2 myń adam kógildir otynmen qamtylǵan.
Al aýyzsýmen qamtý kórsetkishi — 91,2 paiyz, iaǵni 291 eldi meken qamtylǵan. Osy eldi mekenderde oblys halqynyń 99,2 paiyzy turady. Ótken jyly jalpy sany 2385 adam turatyn 5 aýylǵa ortalyqtandyrylǵan aýyzsý júiesi júrgizildi.
Qazir taza aýyzsýmen qamtylmaǵan 28 aýyl qalyp otyr. Onyń ishinde 10 aýylǵa ortalyq sý júiesi júrgizilip jatyr. Biylǵy jyldyń qorytyndysy boiynsha aýyzsýǵa qoljetimdilik kórsetkishin 99,9 paiyzǵa jetkizý kózdelgen.
Jiynda sondai-aq aldaǵy jylytý maýsymyna daiyndyq, Aqtóbe jylý-elektr ortalyǵyndaǵy jóndeý jumystary, turǵyn úi qoryn jańǵyrtý, t.b. máseleler de qozǵaldy.
