Aqtóbe meshitinde qyzǵa tiisken er adam qylmystyq jaýapkershilikke tartylýy múmkin, dep habarlaidy Dalanews.kz.
23 jastaǵy Emmanýella Naýryzbaevanyń aitýynsha, "Nur-Ǵasyr" meshitinde bolǵan oqiǵa boiynsha sot otyrysy 29 shildede ótken. Nátijesinde aiyptalýshy 5 táýlikke qamaýǵa alynǵan. Qyzdyń aitýynsha, tergeý barysynda bul adam buryn da tártip buzǵany anyqtalǵan, ol buzaqylyq jasaǵany úshin sotty bolǵan, oǵan qosa 2025 jyly qańtarda taǵy bir adamǵa meshitte tiisip, jaýapkershilikke tartylǵan.
"Sot sheshimimen psihiatriialyq saraptama taǵaiyndaldy. Eger onyń psihikalyq derti rastalsa, májbúrli emdeýge jiberiledi. Al eger diagnoz jalǵan bolyp shyqsa, meditsinalyq qujattardy qoldan jasaǵany úshin qylmystyq jaýapkershilikke ákep soǵady", – dedi Emmanýella.
Ol sondai-aq ózin kópshiliktiń aldynda qorlaǵan, videoǵa túsirip, jalǵan aqparat taratqan jáne jala japqan adamdardy sotqa beretinin eskertti.
"Bul jait týraly ashyq aityp otyrmyn, óitkeni áielder men balalardy osyndai jaǵdailardan qorǵaǵym keledi. (...) Internet bárin este saqtaidy. Jaýap beretin bolasyzdar. Jaqynda sotta jolyǵamyz", – dedi Emmanýella Naýryzbaeva.
