Aqtaýlyq kásipker Maksım Efanov 2 myńǵa jýyq shaıan ósirip otyr. Erekshe kásipti ótken jyly qolǵa alǵan kásipker búginge deıin 2 tonnadan astam shaıan ósirgen. Bir qyzyǵy ol jándikterdi ósirýdi ǵalamtordan úırengen, – dep habarlaıdy Dalanews.kz Aqtaý qalasy ákimdiginiń baspasóz qyzmetine silteme jasap.

– Byltyr osy kásipti bastaǵanda 300 kelideı shaıan satyp aldym. Qazirgi tańda 5 adamdy jumyspen qamtyǵan jaıym bar. Qaladaǵy sýpermarketterge, meıramhanalarǵa saýdalaıymyn. Shaıandar tamaqtanýǵa tek túnde ǵana shyǵady, olardyń arnaıy tamaǵy bar, – deıdi kásipker.

Maksım shaıandy ósirý úshin Aqshuqyr aýylynda 5 baseındi qoldan jasaǵan.

– Shaıan taza sýlarda, ásirese, shaǵyn ózender men aǵyndy sýlarda kóbirek kezdesedi. Balyq sekildi jelbezegimen demalady. Áýeli aýyl sharýashylyǵy mınıstrligi saraptamalar ótkizip,  kelisimin bergen bolatyn. Aldaǵy ýaqytta shaıan sanyn 15-20 tonnaǵa deıin arttyrý josparlap otyrmyz. Sonymen qatar balyq sharýashylyǵymen aınalysyp kórgimiz keledi, – dedi kásipker.