Aqtaýlyq fermer Rýslan Jınkınniń qorasynda 40-tan astam eshkisi bar. Sútininen ónim daıyndap, óńir jurtshylyǵyna jetkizip otyr. Aldaǵy ýaqytta basqa aımaqtarǵa satylymǵa shyǵarýdy josparlaýda, dep habarlaıdy Dalanews.kz Aqtaý qalasy ákimdiginiń baspasóz qyzmetiine silteme jasap.

Ómirzaq aýylynyń turǵyny Rýslan Jınkınniń kásibi aýyldastaryna etene tanys. Sebebi, emdik qasıeti mol ónimge suranys kóp. Eshki súti aǵzaǵa sińimdi, ımýnıtetti nyǵaıtyp qana qoımaı asqazan aýrýlaryna da paıdasy mol. Sharýa sútti zalalsyzdandyrǵannan keıin plasık qutylarǵa quıady. Syrtyna sharýa qojalyǵynyń málimetteri kórsetilgen qaǵaz japsyrady. Daıyn ónimdi oblys ortalyǵyndaǵy bazar men dúkenderge jetkizedi.

– Meniń basty maqsatym-mal sharýashylyǵymdy damytý. Qazir sútten bólek, súzbe irimshik, ıogýrt sekildi ónim túrin shyǵaramyz, – deıdi kásipker.

Kásipkerdiń aıtýynsha, jaz aılarynda árqaısysy 2,5-3 lıtr sút beredi. Fermer budan bólek, 450-den astam qoı baǵyp otyr. Sańyraýqulaq ósirip, ónimin daıyndaıdy. Sondaı-aq, tandyr nan pisirip, táýligine oblys ortalyǵyndaǵy dúkenderge jetkizedi. 6 adamdy jumyspen qamtyp otyr. Alǵa qoıǵan jospary kóp. Balyq sharýashylyǵyn da qolǵa alyp, shaıan ósirý josparynda bar.