Aqtaýdyń 19 shaǵyn aýdanynda jańa mektep salynady
Búginde jańa mekteptiń jobalyq-smetalyq qujattama ázirlengen. 4 qabatty ǵimarattyń qurylys alańy 3979,84 sharshy metrdi quraidy. Ýchaske aýdany 3 gektar. Qurylys jumystary osy jyly bastalady.
Jobalyq qujattamaǵa sáikes mektep alańy 3 bólikke – sporttyq (fýtbol, voleibol, basketbol alańdary), demalýǵa arnalǵan, sharýashylyq bolyp bólinedi.
– Jalpy mektep, kabinetter zamanaýi tehnikamen jabdyqtalady. Himiia, fizika jáne biologiia kabinetterine erekshe kóńil bólemiz. Budan bólek múmkindigi shekteýli balalardy oqytý úshin de jaǵdai jasaýly kózdep otyrmyz. Inkliýzivti bilim berý múmkindigi qarastyrylyp jatyr. 24 adamǵa arnalǵan oqý zaly bar kitaphana da bolady. Qurylysty 2023 jyly aiaqtaý josparlanǵan, – dedi Aqtaý qalalyq qurylys bóliminiń sektor meńgerýshisi Erkin Jaýqan.
Aita keteiik, qazir 18, 31A shaǵynaýdandarynda mektep qurylysy júrip jatyr.
