بۇگىندە جاڭا مەكتەپتىڭ جوبالىق-سمەتالىق قۇجاتتاما ازىرلەنگەن. 4 قاباتتى عيماراتتىڭ قۇرىلىس الاڭى 3979،84 شارشى مەتردى قۇرايدى. ۋچاسكە اۋدانى 3 گەكتار. قۇرىلىس جۇمىستارى وسى جىلى باستالادى.
جوبالىق قۇجاتتاماعا سايكەس مەكتەپ الاڭى 3 بولىككە – سپورتتىق (فۋتبول، ۆولەيبول، باسكەتبول الاڭدارى)، دەمالۋعا ارنالعان، شارۋاشىلىق بولىپ بولىنەدى.
– جالپى مەكتەپ، كابينەتتەر زاماناۋي تەحنيكامەن جابدىقتالادى. حيميا، فيزيكا جانە بيولوگيا كابينەتتەرىنە ەرەكشە كوڭىل بولەمىز. بۇدان بولەك مۇمكىندىگى شەكتەۋلى بالالاردى وقىتۋ ءۇشىن دە جاعداي جاساۋلى كوزدەپ وتىرمىز. ينكليۋزيۆتى ءبىلىم بەرۋ مۇمكىندىگى قاراستىرىلىپ جاتىر. 24 ادامعا ارنالعان وقۋ زالى بار كىتاپحانا دا بولادى. قۇرىلىستى 2023 جىلى اياقتاۋ جوسپارلانعان، – دەدى اقتاۋ قالالىق قۇرىلىس ءبولىمىنىڭ سەكتور مەڭگەرۋشىسى ەركىن جاۋقان.
ايتا كەتەيىك، ءقازىر 18، 31ا شاعىناۋداندارىندا مەكتەپ قۇرىلىسى ءجۇرىپ جاتىر.
