Aqtaý mańynda apatqa ushyraǵan AZAL ushaǵyna qatysty isti tergeýdegi "áskeri bólim" Groznyida qupiia qaralyp jatyr, - dep habarlaidy Dalanews.kz.
Bul týraly VChK-OGPÝ derekkózi habarlady. Derekkózdiń málimetinshe, Aleksandr Bastrykin men Ortalyq SKR-diń tájiribeli tergeýshileriniń Sheshenstan Respýblikasyna barǵanyna qaramastan, is júzinde barlyq keiingi áreketterdi 505 Áskeri-tergeý basqarmasynyń tergeýshileri júrgizýde.
"Áýe kemesine zymyran atqan "Pantsir" jaýyngerlik mashinasynyń esep tobyn bólim basshysy tergegen. Al issaparǵa jiberilgen tergeýshilerge keletin bolsaq, olardyń bir bóligi ushaq qaldyqtaryn zertteý úshin Aqtaýǵa jiberilip, oqiǵa ornynda jumys isteýge ruqsat alǵan, al bir bóligi Groznyida jumys isteýde", - delingen jazbada.
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany - 38. Qaiǵyly oqiǵadan 29 adam aman qaldy.
Keiinirek Chikago konventsiiasynyń 13-qosymshasyna sáikes Qazaqstan Ázerbaijan men Reseidiń aviatsiialyq organdarymen aqyldasqan soń, QR Kólik ministri Marat Qarabaev basqaratyn komissiia Embraer ushaǵynyń qara jáshigin Braziliiadaǵy CENIPA ortalyǵyna jiberý týraly sheshim qabyldady.
