Derekterdi usyný jáne azamattyq aviatsiiadaǵy jáne eksperimenttik aviatsiiadaǵy aviatsiialyq oqiǵalar men intsidentterdi tergeý qaǵidalaryna sáikes Kólik ministrligi aviatsiialyq oqiǵany tergeý jónindegi komissiia qurdy, - dep habarlaidy Dalanews.kz ministrliktiń baspasóz qyzmetine siltep.
Vedomstvonyń kóliktegi oqiǵalar men intsidentterdi tergeý departamentiniń qyzmetkerleri aviatsiialyq oqiǵa ornynda. Tergep-tekserýdiń qyrdaǵy kezeńi aiasynda jumystar júrgizilip jatyr.
Qazaqstanǵa Ázerbaijan Respýblikasy Azamattyq aviatsiia memlekettik agenttiginiń delegatsiiasy, sondai-aq Azerbaijan Airlines (AZAL) aviakompaniiasynyń ókilderi keldi.
Jumystar Ázerbaijannyń aviatsiialyq biligimen birlese júrgizilip jatyr.
Sondai-aq, Qazaqstanǵa Embraer áýe kemesin óndirýshi kompaniia ókilderi jáne CENIPA (aviatsiialyq oqiǵalardy tergeý jáne aldyn alý ortalyǵy, Braziliia) ushyp keledi.
Aqtaý qalasyna Premer-Ministrdiń orynbasary Qanat Bozymbaev bastaǵan Úkimettik komissiia quramynda QR Kólik ministri Marat Qarabaev, kólik vitse-ministri Talǵat Lastaev, kóliktegi oqiǵalar men intsidentterdi tergeý departamentiniń direktory Nurjan Malaev, Azamattyq aviatsiia komitetiniń tóraiymy Saltanat Tompieva, "Qazaeronavigatsiia" RMK bas direktory Nurjan Ahmetov keldi.
