دەرەكتەردى ۇسىنۋ جانە ازاماتتىق اۆياسياداعى جانە ەكسپەريمەنتتىك اۆياسياداعى اۆياسيالىق وقيعالار مەن ينسيدەنتتەردى تەرگەۋ قاعيدالارىنا سايكەس كولىك مينيسترلىگى اۆياسيالىق وقيعانى تەرگەۋ جونىندەگى كوميسسيا قۇردى، - دەپ حابارلايدى Dalanews.kz مينيسترلىكتىڭ باسپا ءسوز قىزمەتىنە سىلتەپ.
ۆەدومستۆونىڭ كولىكتەگى وقيعالار مەن ينسيدەنتتەردى تەرگەۋ دەپارتامەنتىنىڭ قىزمەتكەرلەرى اۆياسيالىق وقيعا ورنىندا. تەرگەپ-تەكسەرۋدىڭ قىرداعى كەزەڭى اياسىندا جۇمىستار جۇرگىزىلىپ جاتىر.
قازاقستانعا ازەربايجان رەسپۋبليكاسى ازاماتتىق اۆياسيا مەملەكەتتىك اگەنتتىگىنىڭ دەلەگاسياسى، سونداي-اق Azerbaijan Airlines (AZAL) اۆياكومپانياسىنىڭ وكىلدەرى كەلدى.
جۇمىستار ازەربايجاننىڭ اۆياسيالىق بيلىگىمەن بىرلەسە جۇرگىزىلىپ جاتىر.
سونداي-اق، قازاقستانعا Embraer اۋە كەمەسىن ءوندىرۋشى كومپانيا وكىلدەرى جانە CENIPA (اۆياسيالىق وقيعالاردى تەرگەۋ جانە الدىن الۋ ورتالىعى، برازيليا) ۇشىپ كەلەدى.
اقتاۋ قالاسىنا پرەمەر-مينيستردىڭ ورىنباسارى قانات بوزىمبايەۆ باستاعان ۇكىمەتتىك كوميسسيا قۇرامىندا ق ر كولىك ءمينيسترى مارات قارابايەۆ، كولىك ۆيسە-مينيسترى تالعات لاستايەۆ، كولىكتەگى وقيعالار مەن ينسيدەنتتەردى تەرگەۋ دەپارتامەنتىنىڭ ديرەكتورى نۇرجان مالايەۆ، ازاماتتىق اۆياسيا كوميتەتىنىڭ ءتورايىمى سالتانات تومپييەۆا، "قازاەروناۆيگاسيا" رمك باس ديرەكتورى نۇرجان احمەتوۆ كەلدى.
