Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Aqtaýdaǵy bilbordtarǵa halyqaralyq pándik olimpiada júldegerleriniń sýretteri ornalastyryldy

Dalanews
Aqtaýdaǵy bilbordtarǵa halyqaralyq pándik olimpiada júldegerleriniń sýretteri ornalastyryldy
Mańǵystaýda balalardyń bilimge degen qushtarlyǵy men ǵylymǵa degen qyzyǵýshylyǵyn halyqaralyq mektep olimpiadalarynyń júldeger oqýshylaryn tanymal etý arqyly yntalandyrý sharasy qolǵa alyndy, – dep habarlaidy Dalanews.kz Mańǵystaý oblysy ákiminiń baspasóz qyzmetine silteme jasap. 

Eýropa, Aziia jáne TMD elderindegi halyqaralyq pándik olimpiadalarda ár túrli dárejedegi marapattarǵa ie bolǵan oqýshylardyń portretteri oblys ortalyǵynyń LED ekrandarynda kórsetile bastady, sondai-aq qalalyq bilbordtarǵa ornalastyryldy.

Norvegiia astanasy Osloda ótken oqýshylar arasyndaǵy 63-shi Halyqaralyq matematikalyq olimpiadaǵa (IMO-2022) álemniń 104 elinen 600 výnderkind bala jinaldy. Sonyń altaýy Qazaqstannan qatysty.

Atalǵan jarysta Aqtaý qalasyndaǵy "Bilim-Innovatsiia" litsei-internatynyń 11 synyp oqýshysy Ábý Ádilet qola medalǵa ie boldy.


Osy oqý ornynyń túlegi Sanjar Nurǵaliev 10-18 shilde aralyǵynda Qytaidyń Tiantszin qalasynda onlain rejiminde ótken himiia páninen halyqaralyq olimpiadada (IChO) ekinshi oryn aldy.

Aqtaý qalasynyń oqýshylary Iakýtsk qalasynda ótken fizika, himiia jáne informatika pánderi boiynsha "Týimaada" Halyqaralyq Olimpiadasynan da júldeli oryndarǵa ie boldy. Onda Muǵalim Álibi men Moldaǵul Ádiljan kúmis, Nurqoja Omarbaeva qola medal jeńip aldy.

– Jyl saiyn álemniń 100-den astam eliniń komandalary qatysatyn olimpiadada bizdiń oqýshylar óz bilimderin dáleldedi. Halyqaralyq deńgeide olar ózderiniń myqty ekenderin kórsetti. Osyǵan bailanysty biz oblys ákiminiń tapsyrmasy boiynsha olimpiada jeńimpazdarynyń sýretterin qala kóshelerine ornalastyra bastadyq. Bul tek oqýshylardyń ǵana emes, olardyń ata-analary men ustazdarynyń úlken eńbegi, – dep atap ótti oblystyq bilim basqarmasynyń basshysy Dinara Jumasheva.

 
Mańǵystaý Norvegiia onlain Dinara Jumasheva Tiantszin LED ekran Muǵalim Álibi Nurqoja Omarbaeva Ábý Ádilet Sanjar Nurǵaliev Madina Sádýaqasova

Oqi otyryńyz