Aqtaýdaǵy №2 marshrýtqa sý jańa 16 avtobýs qosylady
Aqtaý qalalyq №2 marshrýt tasymaldaýshysy «Jolaýshy-Aqtaý» JShS-nen BRK-lizing arqyly avtobýs parkterin jańartý úshin 16 dana «Yutong» markaly otandyq jańa avtobýstaryn satyp alýǵa ótinishi túsken. Bir avtobýstyń quny 43 900 myń teńge, alǵashqy tólem 210 728 myń teńge 30%-quraidy.
Qazirgi tańda Mańǵystaý oblysynyń jolaýshylar kóligi jáne avtomobil joldary basqarmasy tarapynan 16 jańa avtobýsty satyp alý úshin tiisti qujattar rásimdelýde. Atap aitqanda investitsiialyq usynys daiyndalýda. Nátijesinde oblys ortalyǵy Aqtaý qalasynyń barlyq marshrýttaryndaǵy avtobýs parki 90%-ǵa jańartylatyn bolady.
– Qazirgi ýaqytta Jańaózen qalasynyń avtobýs parkterin jańartý maqsatynda qalalyq Ákimdik tarapynan jańa kommýnaldyq avtobýs parkin qurý boiynsha jumystar júrgizilýde. Ol úshin qalalyq ákimdikke qarasty jańadan «Jańaózen Avtotrans» KMM-in qurý boiynsha jumystar bastaldy. Barlyq tiisti qujattar ázirlenip, qazirgi ýaqytta Mańǵystaý oblysynyń Básekelestikti qorǵaý jáne damytý departamentinde saraptamadan ótýde, – dedi Adaibek Qaliev.
