Aqtaýda 38 jastaǵy jergilikti turǵyn Andrei Sotnichenko joǵalyp ketti. Er adam bir apta boiy kózge túspegen soń kórshileri dabyl qaqqan. Onyń joǵalǵany týraly aqparat áleýmettik jelilerde tarady. Bul týraly jergilikti Lada.kz basylymy jazdy, dep habarlaidy Dalanews.kz.
Tanystarynyń aitýynsha, Andrei 12-shaǵynaýdanda jalǵyz turǵan. Kórshileri ony bir aptadan beri kórmegenin, páteriniń terezeleri eki jaǵynan da aiqara ashyq turǵanyn aitqan.
Oqiǵa ornyna qutqarýshylar men politsiia shaqyrylǵan. Páter esigi ashylǵanymen, iesi ishinen tabylmady. Tanystarynyń biri ádette onyń dúkenge baryp júrgenin, úiine adamdar kelip-ketip turatynyn aitty. Keiingi aptada páter mańynda tynyshtyq ornaǵan. Onyń bul qalada týystary joq, ápkesi Astrahanda turady.
Joǵalǵan er adamnyń boiy - shamamen 170 santimetr, shashy ashyq tústi. Onyń júrgen jeri týraly qandai da bir málimeti bar azamattar +7 705 144 2541 nómirine (Iýliia) habarlasa alady.
