اقتاۋدا 38 جاستاعى جەرگىلىكتى تۇرعىن اندرەي سوتنيچەنكو جوعالىپ كەتتى. ەر ادام ءبىر اپتا بويى كوزگە تۇسپەگەن سوڭ كورشىلەرى دابىل قاققان. ونىڭ جوعالعانى تۋرالى اقپارات الەۋمەتتىك جەلىلەردە تارادى. بۇل تۋرالى جەرگىلىكتى Lada.kz باسىلىمى جازدى، دەپ حابارلايدى Dalanews.kz.
تانىستارىنىڭ ايتۋىنشا، اندرەي 12-شاعىناۋداندا جالعىز تۇرعان. كورشىلەرى ونى ءبىر اپتادان بەرى كورمەگەنىن، پاتەرىنىڭ تەرەزەلەرى ەكى جاعىنان دا ايقارا اشىق تۇرعانىن ايتقان.
وقيعا ورنىنا قۇتقارۋشىلار مەن پوليسيا شاقىرىلعان. پاتەر ەسىگى اشىلعانىمەن، يەسى ىشىنەن تابىلمادى. تانىستارىنىڭ ءبىرى ادەتتە ونىڭ دۇكەنگە بارىپ جۇرگەنىن، ۇيىنە ادامدار كەلىپ-كەتىپ تۇراتىنىن ايتتى. كەيىنگى اپتادا پاتەر ماڭىندا تىنىشتىق ورناعان. ونىڭ بۇل قالادا تۋىستارى جوق، اپكەسى استراحاندا تۇرادى.
جوعالعان ەر ادامنىڭ بويى - شامامەن 170 سانتيمەتر، شاشى اشىق ءتۇستى. ونىڭ جۇرگەن جەرى تۋرالى قانداي دا ءبىر مالىمەتى بار ازاماتتار +7 705 144 2541 نومىرىنە (يۋليا) حابارلاسا الادى.
