2025 jylǵy 5 aqpanda izdestirý jariialanǵan Aqtaý qalasy ákiminiń burynǵy orynbasary Timýr Sádýaqasov Ózbekstanda ustalǵany týraly aqparat paida boldy. Bul týraly jelide jýrnalist Mihail Kozachkov jazdy. Biraq bul málimet resmi túrde áli rastalǵan joq, dep habarlaidy Dalanews.kz.
"Aqtaý ákiminiń burynǵy orynbasary Timýr Sadýaqasov Qazaqstannan Qyrǵyzstanǵa, keiin Ózbekstanǵa zańsyz ótken. Sol jerde ony jergilikti shekarashylar ustaǵan. Sadýaqasov Ózbekstan shekarasyn zańsyz kesip ótkeni úshin 5 jyldan 10 jylǵa deiin sottalýy múmkin", delingen Kozachkov offside telegram arnasynda.
Al Qazaqstanda oǵan alaiaqtyq jáne para berýge itermeleý boiynsha aiyp taǵylyp, halyqaralyq izdeý jariialanǵan.
2019 jyly aqpannan bastap Aqtaý qalasy ákiminiń orynbasary bolǵan Timýr Sádýaqasovqa izdeý jariialanǵany 2025 jyly 7 aqpanda belgili boldy. "2025 jylǵy 5 aqpanda izdestirý týraly is Soltústik Qazaqstan oblysynda tirkeldi. Bastamashy — sot. Izdestirýdi júrgizetin organ: Qazaqstan Respýblikasy Qarjy monitoringi agenttiginiń Soltústik Qazaqstan oblysy boiynsha Ekonomikalyq tergeý departamenti", — dep jazylǵan Sádýaqasovty izdestirý kartochkasynda.
Timýr Sádýaqasov Soltústik Qazaqstan oblysyndaǵy titan-tsirkonii kenderin óndirýshi Obýhov taý-ken baiytý kombinatyna qatysty atyshýly iste figýrant ekeni belgili. 2025 jylǵy qańtarda apelliatsiialyq saty bul is boiynsha aqtaý úkiminiń kúshin joidy, sottalýshylar qamaýǵa alyndy, biraq Timýr Sádýaqasovtyń bul kezde elde bolmaǵan.
