Aqtaý mańynda ushaqtyń apatqa ushyraýynyń sebepteriniń biri ataldy, dep habarlaidy Dalanews.kz.
Commonwealth of Independent States Ázerbaijan ushaǵyn ýkrain drony atyp túsirdi dep jazdy.
"Resei áýe keńistiginde Ázerbaijannyń azamattyq ushaǵyna ýkraindyq ushqyshsyz apparattyń shabýyl jasaýy múmkin degen nusqalardyń biri qarastyrylýda. Bul týraly apatqa ushyraǵan ushaqtaǵy oq atylǵan izder dálel bolýy múmkin", delingen jazbada.
Bul týraly "Chemodan gossekretov" telegram arnasyndaǵylar da jazdy.
"Aqtaý mańynda apatqa ushyraǵan ushaqtyń qanattarynda oqpen atqylaǵan nemese dronmen shabýyl jasaǵan kezde paida bolatyn tesiksheler baiqaldy. Búgin ushaq baǵyt alǵan Groznyi qalasyna dron shabýyly jasaldy. Bul nusqany joqqa shyǵarýǵa bolmaidy. Oqiǵanyń barlyq mán-jaiy tergeý barysynda anyqtalady", delingen jazbada.
Aita keteiik, memleket basshysy Qasym-Jomart Toqaev Ilham Álievke kóńil aitty. Ol Mańǵystaý oblysynda Ázerbaijannyń áýe joldary ushaǵy apatqa ushyrap, ekipaj músheleri men jolaýshylardyń qaza tapqany týraly sýyt habardy tereń kúizelispen qabyldaǵanyn jetkizdi.
“Orny tolmas aýyr qaiǵyǵa ortaqtasa otyryp, Sizge, qaza tapqan azamattardyń týǵan-týystaryna jáne barsha Ázerbaijan halqyna kóńil aitamyn. Meniń tapsyrmammen Qazaqstan Úkimeti memlekettik komissiia qurdy. Komissiia qutqarý operatsiiasy aiasynda tiisti sharalar qabyldap, Ázerbaijan tarapyna qajetti kómek kórsetedi”, – delingen jedelhatta.
Eske salaiyq, 25 jeltoqsanda Aqtaý mańynda ushaq apatqa ushyrady. Azerbaijan Airlines aviakompaniiasyna tiesili ushaq Bakýden Groznyiǵa ushyp bara jatqan.
Aqtaýdaǵy ushaq apatyna qatysty Bas prokýratýra málimdeme jasady. Ázerbaijan áýe kompaniiasynyń ushaǵy apatqa ushyraǵan derek boiynsha Bas prokýratýranyń arnaiy prokýrorlarynyń basshylyǵymen vedomstvoaralyq tergeý-operativtik toby qurylǵan. Onyń quramyna kólik prokýratýrasynyń, IIM jáne TJM tájiribeli qyzmetkerleri kirdi.
