Aqsý feroqorytpa zaýytynda bolǵan óndiristik oqıǵa saldarynan úsh qyzmetker termıalyq kúıik aldy,- dep habarlaıdy Dalanews.kz kásiporynnyń baspasóz qyzmetine silteme jasap.
Oqıǵa balqytý sehynda oryn alǵan. Aldyn ala málimet boıynsha, peshten shıhta materıaldary shyqqan. Saldarynan úsh jumysshy zardap shekti.
Olardyń biri Aqsý ortalyq aýrýhanasynyń jansaqtaý bólimine jatqyzyldy. Ekinshi qyzmetker stasıonarda em qabyldap jatyr, úshinshisi ambýlatorlyq jaǵdaıda emdelýde.
Kásiporyn zardap shekkenderge qajetti kómekti kórsetip jatqanyn habarlady.
Pavlodar oblystyq polısıa departamentiniń málimetinshe, eńbekti qorǵaý erejelerin buzý faktisi boıynsha qylmystyq is qozǵaldy. Oqıǵanyń sebepteri men mán-jaıy tergeý barysynda anyqtalady.
