Pavlodar oblysynyń ákimi Asaiyn Baihanov óńirdegi eń iri ónerkásiptik qalalardyń biri – Aqsýǵa jańa ákim taǵaiyndady, dep habarlaidy dalanews.kz.
Alaida jańa basshynyń resmi ómirbaianynda metallýrgiia nemese iri ónerkásip salasynda eńbek etken tájiribesi kórsetilmegen.
Prezident Ákimshiliginiń kelisimimen Aqsý qalasynyń ákimi bolyp Anýarbek Amanov taǵaiyndaldy. Ol buǵan deiin Pavlodar qalasy ákiminiń orynbasary qyzmetin atqarǵan.
Resmi ómirbaianyna sáikes, Anýarbek Amanov «Avtomobil jáne traktor jasaý» mamandyǵy boiynsha injenerlik bilim alǵan, keiin zańger mamandyǵyn támamdaǵan. Eńbek jolyn Pavlodar qalasynyń turǵyn úi-kommýnaldyq sharýashylyǵy bóliminde bastap, keiin turǵyn úi inspektsiiasynda, Ekibastuz jáne Pavlodar qalalary ákimderiniń orynbasary qyzmetterinde jumys istegen.
Alaida onyń ómirbaianynda metallýrgiia, energetika nemese iri ónerkásip kásiporyndaryn basqarý salasyndaǵy eńbek tájiribesi týraly málimet joq.
Bul rette Asaiyn Baihanovtyń ózi Aqsýdy Pavlodar oblysyndaǵy negizgi ónerkásip ortalyqtarynyń biri dep atady. Onyń aitýynsha, qala óńirdegi jalpy ónerkásip óndirisiniń shamamen 17 paiyzyn qamtamasyz etedi.
Aqsý – Qazaqstandaǵy eń iri ferroqorytpa óndirisi ornalasqan qala. Munda Aqsý ferroqorytpa zaýyty men energetika kásiporyndary jumys isteidi. Sondyqtan qala ákiminen kommýnaldyq máselelermen qatar, ónerkásip alyptarymen tiimdi jumys júrgizý, óndiristik jobalardy súiemeldeý jáne investorlarmen turaqty bailanys ornatý talap etiledi.
Soǵan qaramastan, jańa ákimge berilgen negizgi tapsyrmalar kommýnaldyq infraqurylymdy jańǵyrtý, abattandyrý, jol jóndeý, áleýmettik nysandar salý jáne jylý maýsymyna daiyndyq máselelerine qatysty boldy.
Osyǵan bailanysty ónerkásiptik áleýeti joǵary Aqsýdy óndiris salasynda tájiribesi kórsetilmegen basqarýshynyń qanshalyqty tiimdi basqara alatyny ázirge ashyq suraq kúiinde qalyp otyr.
