1 maýsymdaǵy jaǵdai boiynsha Biryńǵai jinaqtaýshy zeinetaqy qorynyń shottarynda 37 milliard teńgeden astam qarjy suralmai, iesiz kúiinde tur. Qor bul aqshany kimder ala alatynyn jáne ol úshin ne isteý kerektigin túsindirdi, dep habarlaidy Dalanews.kz.
Qansha qarjy iesiz qaldy?
Qor málimetinshe, zeinetkerlik jasqa jetken, biraq zeinetaqysyn rásimdemegen azamattardyń shottarynda 37,3 milliard teńge saqtaýly. Bul qarjy 264 695 jeke zeinetaqy shotynda shoǵyrlanǵan. Olardyń arasynda:
148 335 adam qaitys bolǵan, olardyń jinaqtaryn muragerleri talap ete alady;
59 800 adam Qazaqstannan tys jerge turaqty turýǵa ketken;
56 560 adam zeinetkerlik tólemderin alý úshin áli TsON-ǵa júginbegen.
Bul aqsha qaida ketip jatyr?
Atalǵan qarajat salymshylardyń jeke zeinetaqy shottarynda saqtalyp, investitsiialanýda. Bul arqyly qosymsha tabys tabý kózdelgen. Investitsiialaýmen Qazaqstan Ulttyq banki men jekemenshik investitsiialyq portfeldi basqarýshy kompaniialar ainalysady.
Jinaqtardy qalai alýǵa bolady?
Eger zeinetker zeinetaqy jinaǵyn rásimdemese, onda ol turǵylyqty jerindegi «Azamattarǵa arnalǵan úkimet» (TsON) memlekettik korporatsiiasyna júginýi kerek.
Qazaqstannan turaqty turýǵa ketken shetel azamattary men azamattyǵy joq tulǵalar da ENPF-ten jinaqtaryn ala alady. Ol úshin zańnamaǵa sáikes qujattar paketin usyný qajet.
Qaitys bolǵan adamnyń zeinetaqy jinaqtarynan onyń týystaryna jerleýge arnalǵan bir rettik tólem beriledi. Onyń mólsheri sol jylǵa belgilengen 94 AEK-ten aspaýy tiis, ári shottaǵy soma kóleminen artyq bolmaýy kerek.
Muragerlik qalai rásimdeledi?
Zeinetaqy jinaqtary Qazaqstan zańnamasyna sáikes muragerlik tártippen beriledi. Qaitys bolǵannan keiin 6 ai ishinde murager notariýsqa júginip, zeinetaqy jinaǵyn ielený quqyǵyn rastaityn muragerlik týraly kýálik alýy tiis.
Eger bul merzim ótip ketse, murager sotqa júginip, merzimdi qalpyna keltirý arqyly óz quqyǵyn dáleldeýi qajet.
BJZQ mamandary zeinetaqy jinaǵyn iesiz qaldyrmai, der kezinde rásimdeýge keńes beredi.
