Shymkentte balabaqshada esepshi bolyp isteitin bes balanyń anasy biýdjettiń 15 million teńgesin jymqyrǵany úshin sottaldy, dep habarlaidy Dalanews.kz.
Tergeý barysynda anyqtalǵandai, Shymkent qalasyndaǵy №46 “Aqbópe” balabaqshasynyń esepshisi kommýnaldyq qyzmetter men basqa da tólemderdi tóleýge belgilengen mólsherden artyq aqsha bólgen. Artyq aqshany shotyna jiberip otyrǵan. Osylaisha ol memleketke 15 million teńgeden astam shyǵyn keltirgen.
“Sottalýshyǵa jaza taǵaiyndaý kezinde sot shyn júrekten ókiný, keltirilgen ziiandy tolyq óteý túrindegi jazany jeńildetetin mán-jailardyń bolýyn, asyraýynda bes jas balanyń bolýyn, aýyrlatatyn mán-jailardyń joqtyǵyn eskerdi”, - dep habarlady Shymkent soty.
Esepshi Qazaqstan Respýblikasy Qylmystyq kodeksiniń 189-babynyń 4-bóliginiń 2-tarmaǵymen senip tapsyrylǵan bóten múlikti ielenip alǵany úshin kináli dep tanyldy. Ol ómir boiyna memlekettik qyzmette jáne memlekettik organdarda qyzmet atqarý quqyǵynan aiyra otyryp, eki jylǵa bas bostandyǵynan aiyryldy.
Úkim áli zańdy kúshine engen joq.
