“اقشا جىمقىرعان”. شىمكەنتتە كٶپبالالى انا بٸرنەشە جىلعا سوتتالدى

شىمكەنتتە بالاباقشادا ەسەپشٸ بولىپ ٸستەيتٸن بەس بالانىڭ اناسى بيۋدجەتتٸڭ 15 ميلليون تەڭگەسٸن جىمقىرعانى ٷشٸن سوتتالدى, دەپ حابارلايدى Dalanews.kz.

تەرگەۋ بارىسىندا انىقتالعانداي, شىمكەنت قالاسىنداعى №46 “اقبٶپە” بالاباقشاسىنىڭ ەسەپشٸسٸ كوممۋنالدىق قىزمەتتەر مەن باسقا دا تٶلەمدەردٸ تٶلەۋگە بەلگٸلەنگەن مٶلشەردەن ارتىق اقشا بٶلگەن. ارتىق اقشانى شوتىنا جٸبەرٸپ وتىرعان. وسىلايشا ول مەملەكەتكە 15 ميلليون تەڭگەدەن استام شىعىن كەلتٸرگەن.

“سوتتالۋشىعا جازا تاعايىنداۋ كەزٸندە سوت شىن جٷرەكتەن ٶكٸنۋ, كەلتٸرٸلگەن زيياندى تولىق ٶتەۋ تٷرٸندەگٸ جازانى جەڭٸلدەتەتٸن مەن-جايلاردىڭ بولۋىن, اسىراۋىندا بەس جاس بالانىڭ بولۋىن, اۋىرلاتاتىن مەن-جايلاردىڭ جوقتىعىن ەسكەردٸ”, - دەپ حابارلادى شىمكەنت سوتى.

ەسەپشٸ قازاقستان رەسپۋبليكاسى قىلمىستىق كودەكسٸنٸڭ 189-بابىنىڭ 4-بٶلٸگٸنٸڭ 2-تارماعىمەن سەنٸپ تاپسىرىلعان بٶتەن مٷلٸكتٸ يەلەنٸپ العانى ٷشٸن كٸنەلٸ دەپ تانىلدى. ول ٶمٸر بويىنا مەملەكەتتٸك قىزمەتتە جەنە مەملەكەتتٸك ورگانداردا قىزمەت اتقارۋ قۇقىعىنان ايىرا وتىرىپ, ەكٸ جىلعا باس بوستاندىعىنان ايىرىلدى.

ٷكٸم ەلٸ زاڭدى كٷشٸنە ەنگەن جوق.