QR Ulttyq Banki turǵyndar tarapynan jii túsip jatqan ótinishterge bailanysty el aýmaǵynda qolma-qol shetel valiýtasymen aiyrba operatsiialaryn júzege asyrý tártibin, sonyń ishinde banknotalardy ainalymǵa jaramdy dep taný qaǵidalary men aiyrbastan negizsiz bas tartylǵan jaǵdaida qalai áreket etý kerektigin túsindirdi, dep habarlaidy Dalanews.kz.
Sonymen aqsha aiyrbastaý operatsiialaryn júzege asyrý qaǵidalaryna sáikes:
- tiisti emitent-eldiń aýmaǵynda zańdy qolma-qol tólem quraly sanalatyn;
- emitent eldiń anyqtamalyq materialdarynda kórsetilgen tolyq sipattamaǵa sáikes keletin sheteldik valiýtadaǵy banknotalar zańdy tólem quraly túrinde ainalymǵa jaramdy dep tanylady.
Tólemge qabiletsiz jáne qoldanýǵa jaramsyz shetel valiýtasynyń banknotalaryn satyp alý jáne satý tártibi
"Tiisti shet memlekettiń emitent-banki ainalymnan shyǵarǵan jaǵdaida, sheteldik valiýta banknotalary — tólemge qabiletsiz, al jyrtylǵan, búlingen jáne basqa da mini bolsa — jaramsyz dep tanylady. Mundai banknotalardy inkassalyq operatsiia júrgizýge sheteldik banktermen shart jasasqan ýákiletti bankter ǵana satyp alady jáne aýystyrady", delingen Ulttyq Bank habarlamasynda.
Quzyrly organ mundai operatsiialardyń komissiiasy nominaldy qunynyń 10%-nan aspaýǵa tiis ekenin eske salady.
Bul rette klient inkasso sharty kórsetilgen jazbasha kelisimge qol qoiady jáne oǵan emitent-bank (sheteldik bank) aiyrbastaýdan bas tartýy múmkin ekeni týraly eskretiledi.
Ainalymǵa jaramdy sheteldik valiýta banknotalaryn satyp alý jáne satý kezinde negizsiz bas tartý jaǵdaiyndaǵy is-qimyl tártibi
QR Ulttyq Banktiń málimetinshe, eger ainalymǵa jaramdy bolsa, qolma-qol shetel valiýtasynyń nominaly men shyǵarý jylyna shekteý bolmaidy.
Jeke tulǵanyń qolynda sheteldik jáne ulttyq valiýtada qajet somasy bolǵan jaǵdaida, aiyrbastaý pýnkti myna jaǵdailardy esepke almaǵanda, valiýta aiyrbastaýdan bas tartýǵa quqyly emes:
- KJTQQ týraly zań talaptarynda kózdelgen sharalar qoldanylǵanda;
- jeke basyn kýálandyratyn qujatty nemese tsifrlyq qujat servisi arqyly jeke basyn rastaityn derekti usynbaǵanda.
"Aiyrbastaý operatsiiasynan negizsiz bas tartylǵan jaǵdaida azamattar aiyrbastaý pýnkti ornalasqan jerdegi Ulttyq Banktiń aýmaqtyq filialyna shaǵym túsirýge quqyly. Shaǵymda bas tartý sebebi tolyq kórsetilip, zań talabyna sai tiisti shara qabyldaý úshin qolda bar qujat qosa berilgeni jón", dep naqtylaidy retteýshi organ.
