Túrkistan oblysynyń ákimi Darhan Satybaldynyń tapsyrmasymen Astana qalasynda Túrkistan oblysy ákimi apparaty basshysy Erkeǵali Álimqulov Amerika Qurama Shtattarynyń Pensilvaniia shtatyndaǵy «EPAM Systems» amerikandyq IT kompaniiasynyń basqarma tóraǵasy Arkadii Dobkinmen kezdesti. Taraptar Túrkistan qalasynda tehnologiialyq jáne bilim berý ortalyǵynyń, sondai-aq «EPAM Systems» filialynyń ashylýyn talqylady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kezdesý barysynda Túrkistan oblysy jáne ondaǵy bilim salasy týraly, IT salasyn jetildirý boiynsha áriptestik ornatý boiynsha kelissózder júrgizildi. Arkadii Dobkin ERAM tsifrlyq injeneriia mektebiniń ereksheligi men múmkindikterine toqtalyp, áriptestik ornatýǵa niet bildirdi.
– Qazaqstanǵa qosh keldińiz! Bizdiń kezdesýimiz «EPAM Systems» kompaniiasy men Qazaqstan Respýblikasynyń Túrkistan oblysy arasyndaǵy jańa jáne jemisti qarym-qatynastardyń bastamasy bolady dep senemin. Qazaqstan Respýblikasynyń Prezidenti Qasym-Jomart Toqaev Qazaqstan halqyna Joldaýynda bilikti mamandardy daiarlaý arqyly Qazaqstandy IT elge ainaldyrýdyń strategiialyq mańyzyn atap ótti. Bul baǵytta biz Túrkistan oblysynda bilim berý sapasyn arttyrý boiynsha belsendi jumys júrgizip jatyrmyz. Túrkistan oblysy elimizdiń ońtústiginde ornalasqan. Oblystyń ákimshilik ortalyǵy – Túrkistan qalasy. Túrkistan – ǵasyrlar boiy qazaq halqynyń tarihynda orasan zor ról atqarǵan Ortalyq Aziiadaǵy eń kóne qalalardyń biri. Búginde Túrkistan oblysy bul murany saqtap qana qoimai, belsendi túrde damytyp keledi. Oblys mektepterinde 522 myń oqýshy bilim alýda. Bizdiń oblys túlekter sany boiynsha elimizde kóshbasshy. Iaǵni, byltyr 32,6 myń túlek oqý oryndaryn bitirgen. Túrkistan qalasynda eki halyqaralyq ýniversitet jumys isteidi. Eki ýniversitet te ártúrli salalarda bilim usynady jáne aimaqtaǵy mańyzdy bilim berý ortalyqtary bolyp tabylady. IT salasynyń Amerikadaǵy eń myqty kompaniiasynyń Túrkistanǵa kelip jumys isteýine tilektespiz. Jastarymyz bilimdi, bilikti bolsa, naǵyz básekege qabiletti bolary sózsiz, – dedi Erkeǵali Álimqulov.
Túrkistan qalasynda eki halyqaralyq ýniversitet bar. Atap aitqanda, Qoja Ahmet Iasaýi atyndaǵy halyqaralyq qazaq-túrik ýniversitetinde 8 myńǵa jýyq stýdent bilim alýda. Onyń ishinde, 5 782 azamat Túrkistan oblysynyń turǵyndary bolsa, 2 211-i – basqa qalalar men shet elderden kelgen azamattar.
Halyqaralyq týrizm jáne qonaqjailylyq ýniversitetinde 2 980 stýdent oqidy. Onyń ishinde, Túrkistan oblysynyń turǵyndary 1 932 bolsa, 1 048 stýdent basqa óńirlerden kelgen.
Túrkistan oblysynda bilim salasyn, onyń ishinde básekege qabiletti IT mamandaryn daiarlaýǵa úlken mán berilýde. Osyǵan bailanysty 2024 jylǵy naýryz aiynda Túrkistan oblysynyń delegatsiiasy Koreia Respýblikasyna jumys saparymen barǵan bolatyn. Sapar aiasynda Túrkistan oblysynyń ákimi Darhan Satybaldy «WOOSOONG» bilim berý qorymen Túrkistan qalasynda IT ýniversitetiniń filialyn ashý boiynsha kelissózder júrgizdi. Nátijesinde, maýsym aiynda «WOOSOONG» ýniversitetiniń delegatsiiasy Túrkistan oblysyna issaparmen keldi. Kezdesý barysynda «WOOSOONG» bilim berý qorynyń tóraǵasy Kim Sýn Kiýnmen Túrkistan oblysynyń ákimi Darhan Satybaldynyń arasynda Túrkistan qalasynda ýniversitet qurý týraly kelisimge qol qoiyldy. Qazirgi ýaqytta ýniversitet ǵimaratyna jóndeý jumystary júrgizilýde. Nysannyń qurylysyn aiaqtaý 2025 jylǵa josparlanǵan.
Aita keteiik, EPAM Systems – 1993 jyly qurylǵan belarýssiialyq tamyry bar amerikandyq IT kompaniiasy. Belarýssiianyń joǵary tehnologiialar parkiniń rezidenti tapsyrys boiynsha baǵdarlamalyq jasaqtama óndiredi, keńes berý qyzmetin kórsetedi. Kompaniianyń Shtab-páteri Pensilvaniia shtatynyń Niýtaýn qalasynda ornalasqan jáne onyń filialdary álemniń 40-tan astam elinde bar. Kompaniianyń ainalymy – 5,5 mlrd. AQSh dollary.
