Bul týraly búgin Prezident janyndaǵy OKQ alańynda Prezident Joldaýynyń óńirde oryndaýly týraly ótken brifing barysynda Almaty oblysynyń ákimi Amandyq Batalov aitty, - dep habarlaidy Dalanews.kz Almaty oblysy ákiminiń baspasóz qyzmeti.
- Prezidenttiń agroónerkásiptik keshendi damytý týraly tapsyrmasyna sáikes biz bul baǵytta tórt negizgi strategiialyq maqsatty belgiledik. Olar – et pen sút óndirisin arttyrý, aýyl sharýashylyǵy ónimderin óńdeý men irrigatsiialyq júielerdi qalpyna keltirý, - dedi A. Batalov.
Aimaq basshysynyń aitýynsha, oblysta iri qara mal basy 1,3 millionnan, al qoi men eshki 4,2 mln. bastan asty. Osyndai qýatty áleýetke ie bola otyryp, strategiialyq investorlar men transulttyq kompaniialardy tartý jumystary júrgizilýde.
Máselen, «Taison fýds» amerikalyq kompaniiasy jalpy kólemi 190 mlrd. teńge investitsiia sala otyryp, iri qara etin óńdeitin zaýyt salýdy josparlaýda. Olardyń qýaty jylyna 500 myń bas iri qara etin óńdeýge jetedi jáne olarda 4 myń jańa jumys ornyn ashý kózdelgen.
Baiandamashy óz sózinde sol siiaqty germaniialyq investor «Baýman» usaq mal etin tereńnen óńdeitin jobany qolǵa ala bastaǵanyn, onyń qýaty jylyna 30 myń tonna daiyn ónim shyǵarýǵa jetetinin aitty.
«Óńirde sútti mal sharýashylyǵyn damytý maqsatynda 26 myń basqa arnalǵan 82 taýarly-sút fermasy qurylǵan. Alaida et óńdeý kásiporyndarynyń júktemesi nebary 4% ósip, 66%-ti qurasa, sút zaýyttarynyń júktemesi - 73,4%. Sondyqtan biz 2025 jylǵa deiin et óndirisin 500 myń tonnaǵa, sút óndirisin 900 myń tonnaǵa deiin jetkizip, aýyl sharýashylyǵy ónimderin óńdeý boiynsha 25 jobany júzege asyrýdy josparlap otyrmyz», - dedi óz sózinde A. Batalov.
Sondai-aq Prezidenttiń sýarmaly jerdi ulǵaitý týraly tapsyrmasyna orai oblysta jalpy 138 myń gektar sýarmaly jerdi ainalymǵa qosý josparlanǵan.
Ótken jyly 20 myń gektar qalpyna keltirilse, biylǵy jyly taǵy 20 myń gektar ainalymǵa qosylady. Bul AÓK óndirisiniń kólemin arttyrýǵa jáne onyń eksporttyq áleýetin ulǵaitýǵa yqpal etedi.
«Qazirdiń ózinde kórsetkishterimiz jaman emes. Ótken 9 aida AÓK ónimi eksportynyń kólemi 1,3 ese ósip, 93 mln. AQSh dollaryn qurady. Jyl sońyna qarai aýyl sharýashylyǵynda jalpy ónim 2,2% ósip, 900 mlrd. teńgeden asady, al eńbek ónimdiligi 2,5 mln. teńgege jetedi», - dedi spiker.
